Աշխատանքի հրավեր

Պաշտոնի անվանումը – Ծրագրի կառավարիչ

Տեղակայումը  և ժամկետը– Մարտունի, դեկտեմբեր 2011 սեպտեմբեր 2012

Աշխատանքի նկարագիր – Եվրասիա համագործակցություն հիմնադրամը(ԵՀՀ) և Մարտունու Կանանց համայնքային խորհուրդ(ԿՀԽ) հասարակական կազմակերպությունը փնտրում են մարզային հեռահաղորդակցային ցանցի համակարգող` մամուլի և զարգացման կազմակերպությունների հետ աշխատանքի փորձով:  Աշխատանքը նախատեսում է Մարտունու Կանանց համայնքային խորհուրդ հկ գրասենյակում տեղակայված ԻնֆոՏուն  հեռահաղորդակցային կենտրոնի  աշխատանքների իրագործում:

Մարտունու Ինֆոտունը միավորված է «ԻնֆոԳյուղ» կոչվող հեռահաղորդակցային ցանցում, որը գործում է Արմավիր, Գեղարքունիք, Լոռի, Շիրակ և Սյունիք մարզերում:  

Ծառայությունների նկարագիր – Ընտրված անհատը պայմանագրի ժամկետում պետք է իրականացնի հետևյալ աշխատանքները.

·         Կազմել և համաձայնեցնել Մարտունի ԻնֆոՏան աշխատանքային պլանը ԻնֆոԳյուղի ծրագրային թիմի հետ:

·         Համակարգել ԻնֆոՏանն անցկացվող միջոցառումների աշխատանքային պլանը, համաձայնեցնելով այն ծրագրային թիմի հետ:

·         ԻնֆոՏանն իրականացնել   Ինտերնյուս և Երևանի մամուլի ակումբ հասարակական կազմակերպությունների միջոցառումները:

·         Գաղափարներ առաջ քաշել ԻնֆոՏան հավելյալ արդյունավետ աշխատանքի համար

·         Իրագործել պլանային և հավելյալ միջոցառումները՝ պատշաճ մակարդակով, ըստ ԵՀՀ և Մարտունու ԿՀԽ չափանիշների:

·         Մշակել և իրագործել ԻնֆոՏան բրենդինգը հրապարակայնացնելու մեխանիզմներ:

Պահանջվող ծառայությունները պետք է մատուցվեն 2012թ. հունվար-սեպտեմբեր ամիսների ընթացքում: Պայմանագիրը կարող է երկարացվել հաջող ընթացքի հիմնավորմամբ և ֆինանսների առկայության դեպքում:

Դիմելու կարգը  և ժամանակացույցը -   Հետաքրքրված թեկնածուները պետք է ուղարկեն  համապատասխան փորձը ներկայացնող ինքնակենսագրություն և հետաքրքրության նամակ`kananc@arminco.com և amuradyan@epfound.am  հասցեներին զուգահեռաբար, մինչև դեկտեմբերի 6, առավոտյան 9.00

Ովքեր կարող են դիմել – Մրցույթին կարող է մասնակցել 20 տարեկանից բարձր ցանկացած անձ Գեղարքունիքի մարզից,  ով ունի համապատասխան փորձ և պայմանագրի ժամկետում գտնվում է Հայաստանում:

Ում ենք մենք փնտրում. Ծրագրերի իրականացման ոլորտում փորձ ունեցող և առաջնորդի հմտություններ ունեցող ակտիվ, ճկուն  և դինամիկ անձնավորություն, որը պատրաստ է ամբողջ աշխատանքային օրվա ընթացքում կազմակերպել ԻնֆոՏան բազմապրոֆիլ գործունեությունը, այցելել այլ ԻնֆոՏներ, կարողություն ունի համագործակցել ԻնֆոՏան գործունեության բաղադրիչներն իրականացնելու համար ծրագրում ընդգրկված բազմազան անձնավորությունների, կազմակերպությունների, քաղաքային իշխանությունների, իշխանական ենթակառուցվածքների, քաղաքում գործող հկ-երի հետ և սեփական փորձով կարող է օրինակ ծառայել երիտասարդներին:

Հայերենի և ռուսերենի լավ իմացությունը, համակարգչային տարրական գիտելիքների տիրապետումը և նոր մեդիա ասպարեզում բազային թրեյնինգներ անցկացնելու ունակությունը պարտադիր է:

Անգլերենի իմացությունը և մեդիաների հետ աշխատանքի փորձը ցանկալի է:

Աշխատավարձը՝ 100-150 հազար դրամի սահմաններում (կախված թեկնածուի հմտություններից):