Արդար, քաղաքակիրթ ընտրապայքարը` ազատ ընտրության երաշխիք ու առողջ հասարակության պահանջ

Սիրելի լիճքեցիներ, սկսվել է նախընտրական քարոզչությունը: Վստահեցնում եմ Ձեզ, որ պայքարի մեջ եմ մտել միայն արդար, ազատ ու քաղաքակիրթ մրցակցության ձևաչափով:

Ես կարիք չունեմ փնովելու մրցակցիս, քանի որ նման գործելաոճը իմ սկզբունքներին չի համապատասխանում, սակայն ցանկանում եմ ապացուցել, որ հնարավոր է ունենալ օրինակելի համայնք, որին մատնացույց կանեն շատերը, իսկ դա այնքան էլ բարդ գործ չէ, քանի որ օրենքի գերակայությունը այն իրական պայմանն է, որի միջոցով իրագործելի կդառնա այս գաղափարը: 

Իշխանությունը վախենու՞մ է ուսուցչից, հիվանդից, ուսանողից...

Այսօր` մայիսի 8-ին, արդեն ժամը 13-ի դրությամբ, Մարտունու ավտոկայանում Երևան ուղևորվող երթուղային տաքսի սպասող համարյա չէր մնացել...

Հուսահատ սպասողների թվում էր նաև իմ ուսուցչուհին, որն իրեն էր մեղադրում. «Բժշկիս հետ հանդիպումն ինչու՞ այսօր նշանակեցի, ես պետք է իմանայի, որ «Գազել» չի լինելու...»:

Փակ ճանապարհներն` «ազատ ու արդար» ընտրությունների հետևա՞նք. Մարտունի-Երևան երթուղին չի գործում

Մարտունի-Երևան երթուղին սպասարկող միկրոավտոբուսներն առավոտից չեն գործում: Իսկ երեկ` մայիսի 7-ին, Վեդիից Մարտունի ժամանած ավտոբուսն էլ թեև Մարտունու ավտոկայանում է, ուղևորների անհրաժեշտ թիվն էլ կա, սակայն ուղերթ դուրս չի գալիս:

Gallup-ը ընտրատեղամասերում

Մայիսի 6-ին կայացած խորհրդարանական ընտրությունների ընթացքում Մարտունու տարածաշրջանի թիվ 24/30 ընտրատեղամասում հարցում էին իրականացնում  Gallup  կազմակերպության աշխատակիցները:

Հետաքրքրական էր այն փաստը, որ նրանք հարցումը իրականացնում էին, ոչ թե ընտրատեղամասի տարածքում, այլ հենց ընտարատեղամասի ներսում, որտեղ փակցված էին ընտրողների ցուցակները:

 Բնականաբար այդտեղ էին գտնվում "հզոր" կուսակցությունների և պատգամավորակն թեկնածուների կարկարուն ներկայացուցիչները...

«Մեր խոսքը գործ է»,- մարտունեցի ընտրողներին հավաստիացրեց Գագիկ Ծառուկյանը

Նախընտրական քարոզարշավի շրջանակներում այսօր` ապրլի 28-ին, Գեղարքունիքի մարզի Վարդենիս և Վարդենիկ համայնքների ընտրողների հետ հանդիպելուց հետո Գեղարքունիքի մարզպետ Նվեր Պողոսյանի և այլ կուսակիցների հետ Մարտունի էր ժամանել «Բարգավաճ Հայաստան» կուսակցության նախագահ Գագիկ Ծառուկյանը: Այստեղ ԲՀԿ առաջնորդին դիմավորեցին աղուհացով: Գ. Ծառուկյանը նախ ծաղկեպսակ դրեց Հայրենական մեծ պատերազմում զոհվածների հուշակոթողին, ապա Մյասնիկյանի անվան հրապարակում հավաքված մարտունեցիներին ներկայացրեց երկրի սոցիալ-տնտեսական իրավիճակի վերաբերյալ իր ու իր ղեկավարած կուսակցության դիրքորոշումն ու քաղաքացիների կյանքի բարելավման պատկերացումները:
Տեսանյութը` «Զանգակ» ՀԸ-ի

Պատռված պաստառները` ոստիկանության տեսադաշտից դուրս

Ոստիկանության Մարտունու բաժինն, ըստ իս, կամ քնած է, կամ էլ` չի ցանկանում միջամտել նախընտրական գործընթացի օրենքին համապատասխան իրականացմանը:

Ահավասիկ ասածիս ապացույցը. Մարտունի քաղաքի Երևանյան փողոցում փակցված ՀՅԴ քարոզչական պաստառները մասսայականորեն պատռել են:

Ալադինի կախարդական լամպ կամ մեծամասնական ընտրակարգը` պատուհաս

Ինչպես գիտենք, ՀՅԴ, «Ժառանգություն» և ԲՀԿ խմբակցությունները նամակ էին հղել ՀՀ ԱԺ Նախագահին, որի հիման վրա էլ փետրվարի 28-ին խորհրդարանական լսումներ կազմակերպվեցին` կապված 100 տոկոս համամասնական ընտրակարգի անցնելու նախաձեռնության հետ: Ցավոք, այն արժանացավ խորհրդարանական իշխող մեծամասնության անհասկանալի հակազդեցությանը: Այն, որ համամասնական ընտրակարգը ժողովրդավարական պետության կառուցման լավագույն ճանապարհն է, ընդունում էին նաև ՀՀԿ-ական պատգամավորները` միաժամանակ տրամագծորեն հակառակ «հակափաստարկ-հիմնավորում» բերելով: Ըստ նրանց, այդ նախաձեռնությունը ժամանակավրեպ է, մեծամասնական ընտրակարգով խորհրդարան անցած պատգամավորներն ապահովում են տարածքների ընտրողների հետ կապը... Այս պատճառաբանությունն առավել քան ծիծաղելի է` հաշվի առնելով մեր իրականությունը...

Մարտունի-Երևան` արգելված երթուղի

Այսօր` ժամը 13-ի սահմաններում, մեր ընթերցողներից տեղեկացրեցին, որ Մարտունի-Երևան երթուղային տաքսիներն առավոտից չեն աշխատում: Ավտոկայանի տարածքում այս պահին մայրաքաղաք գնացող մեծաթիվ մարդիկ կան` այս կերպ զրկված ազատ տեղաշարժի իրենց իրավունքից: Պատճառը, թերևս, այսօր ընդդիմադիր ուժերից մեկի` ՀՅԴ-ի կողմից  մայրաքաղաքում կազմակերպվող հանրահավաքն է...

Նախընտրական կաշառք` օրենսդրական նախաձեռնության տեսքով

Ազգային ժողովի մի շարք ՀՀԿ-ական պատգամավորների օրենսդրական նախաձեռնութամբ, փաստորեն, 1996-ից մինչեւ 2008-ի հունվարի 1-ն ընկած ժամանակահատվածում հողի հարկի ու գույքահարկի գծով կուտակված պարտքերը ամբողջությամբ զրոյացվում են:

Օրենսդրական նախաձեռնության համաձայն, այն մարդիկ, ովքեր կվճարեն 2008, 2009 եւ 2010 թվականներին կուտակված հողի հարկի ու գույքահարկի գծով պարտքերը, կազատվեն այդ պարտքերի չվճարման համար գոյացած տույժերի ու տուգանքների վճարումից:

Արտագաղթի խնդիրները` հանրային քննարկման առարկա

 «Լրատվության այլընտրանքային ռեսուրսներ» ծրագրի շրջանակներում փետրվարի 28-ին «Մարտունի ԻնֆոՏանը» կազմակերպվել էր կլոր սեղան` «Արտագաղթի խնդիրները նոր մեդիայում և քաղաքական ուժերի օրակարգում» թեմայով:

Կայացած քննարկմանը մասնակցում էին մի խումբ փորձագետներ, քաղաքական ուժերի, կրթամշակութային հաստատությունների, ՀԿ-ների ներկայացուցիչներ, արվեստագետներ, լրագրողներ, հասարակության այլ ակտիվ անդամներ: