Գեղարքունիքի կանայք․ Ովքեր են ընդգրկված տարածքային ընտրական ցուցակում

Ինֆոտան նախորդ  հրապարակման մեջ գրել էինք, որ  թիվ 8 ընտրական տարածքի, որը ընդգրկում է Գեղարքունիքի մարզը, տարածքային ընտրական ցուցակով 23 կին պատգամավորի թեկնածու է գրանցվել։

Կանանց իրավուքների միջազգային օրվա կապակցությամբ այսօր կփորձենք ընթերցողներին ծանոթացնել, թե ովքեր են կին թեկնածուները և արդյոք հնարավորություն ունեն մրցելու մի ընտրատարածքում, որտեղ ՀՀԿ–ով առաջադրվել են Գեղարքունքի մարզպետ Ռաֆիկ Գրիգորյանը, պատգամավորներ Հակոբ Հակոբյանը և Կարեն Բոթոյանը, ինչպես նաև գործարար Տիգրան Արզաքանցյանը։ Այլ կուսակցությունների ու դաշինքների ցուցակներում էլ կան «աչքի ընկնող» թեկնածուներ, ինչպես «Ծառուկյան» կուսակցությունների դաշինքից նախկին պատգամավոր Վարդան Բոստանջյանը, «Օհանյան–Րաֆֆի–Օսկանյան» դաշինքից գեներալ Գուրգեն (Գագիկ) Մելքոնյանը, ինչպես նաև այլք, ովքեր իրենց տարածաշրջաններում բավականին հայտնի են ու քարոզչության համար ունեն բավարար ռեսուրսներ։

Մարտունի, Վարդենիկ եւ Ն․ Գետաշեն համայնքների երիտասարդները բյուջեի մոնիթորինգի վերբերյալ ուսուցում են անցնում

ԲՀՀ–Հայաստան Հիմնադրամը եւ «Ասպարեզ» ժուռնալիստների ակումբը մայիսի 1-3–ը

Ծաղկաձորում անցկացնեում է «Համայնքի բյուժեի, կրթական եւ առողջապահական հաստատությունների մոնիթորինգ» թեմայով դասընթցներ, որին մասնակցում են Շիրակի, Լոռու, Գեղարքունիքի, Սյունիքի,  եւ Արմավիրի մարզի տարբեր համայնքների շուրջ 40 երիտասարդներ։

Լուծումը չուշացավ

     Գեղարքունիքի տարածաշրջանային պետական քոլեջի արհեստագործական մասնաճյուղի դասախոս Արմենուհի Մանուկյանը օրերս Մարտունի Ինֆոտանը տեղադրել էր իր բողոք նամակը։
   Հրապարակման շնորհիվ խնդիրն արագ եւ քաղաքակիրթ ճանապարհով լուծում ստացավ։ Քոլեջի տնօրեն Յ․ Սուքիասյանի և ուսմասվար Մ․Մախսուդյանի ջանքերով, համապատասխան ընկերության հետ վերականգնեցին մասնաշենքի ջրամատակարարումը ու արդեն գործում են պետքարանները։ Ինչի կապակցությամբ դասախոս Ա․ Մանուկյանը շնորհակալություն է հայտնում բոլորին արագ արձագանքելու և համապատասխան աշխատանքներ իրականացնելու համար։

    Ա․Մանուկյանը հավելում է, որ տնօրինության հետ նաև պարզաբանել են «աբսուրդ» համարվող լուրերը։

Այլևս զսպել չի լինում

Գեղարքունիքի տարածաշրջանային պետական քոլեջի արհեստագործական մասնաշենքի պետքարաններն արդեն մեկ շաբաթ է, ինչ փակ են։ Տնօրինությունը չի վճարել ջրի վարձը եւ դրա հետևանքով որոշել է փակել միայն այս մասնաշենքի թե՛ դասախոսական, թե՛ ուսանողական պետքարանների դռները։

Սա ուղակիորեն ազդում է ուսանողների հաճախելիությանը, իսկ դասախոսական կազմն անելանելի իրավիճակում է գտնվում՝ մոտ 160-170 մարդ։

Վարդենիսում կամուրջ է փլուզվել, կան զոհեր

Գեղարքունիքի մարզի Վարդենիս քաղաքում այսօր կամուրջ է փլուզվել, առնվազն երկու մարդ զոհվել է, մի մարդ վնասվածքներով տեղափոխվել է հիվանդանոց։ Այս մասին տեղեկացնում է «Ազատություն» ռադիոկայանը` վկայակոչելով ՀՀ Արտակարգ իրավիճակների նախարարության հաղորդագրությունը: Այլ մանրամասներ` շուտով:

Միջոցառում` նվիրված ՀՀ անկախության 21-րդ տարեդարձին

Այսօր` սեպտեմբերի 20-ին Լիճքի միջնակարգ դպրոցում տեղի ունեցավ միջոցառում, որը նվիրված էր Հայաստանի անկախության 21-րդ տարեդարձին:

Աստղաձորում հնագիտական արժեք ներկայացնող թոնիր է հայտնաբերվել

Գեղարքունիքի մարզի Աստղաձոր գյուղի «Վանքի ձոր» կոչվող տարածքում ոռոգման ջրագիծ անցկացնելու ժամանակ շինարարները բլուրը փորելիս հայտնաբերել են հին թոնիր: Այն ամբողջությամբ պահպանվել էր, սակայն, մատնված լինելով անուշադրության, ընթացքում թոնրի մի մասը կոտրվել է:

Մեր գյուղը մեր տունն է, նրա մաքրությունը` մեր գործը

Սեպտեմբերի 15-ին Լիճքի միջնակարգ դպրոցի սաները, միանալով «Մենք կարող ենք» ( “Let’s DO It” Armenia) շարժման ծրագրի շրջանակներում իրականացվող «Հայաստանն առանց աղբի» նախաձեռնության սանիտարամաքրման աշխատանքներին, մաքրեցին Լիճքի միջնակարգ դպրոցի տարածքը, գյուղամիջյան ճանապարհի երկայնքը և գյուղի աղբյուրի շրջակայքը:

Արդար, քաղաքակիրթ ընտրապայքարը` ազատ ընտրության երաշխիք ու առողջ հասարակության պահանջ

Սիրելի լիճքեցիներ, սկսվել է նախընտրական քարոզչությունը: Վստահեցնում եմ Ձեզ, որ պայքարի մեջ եմ մտել միայն արդար, ազատ ու քաղաքակիրթ մրցակցության ձևաչափով:

Ես կարիք չունեմ փնովելու մրցակցիս, քանի որ նման գործելաոճը իմ սկզբունքներին չի համապատասխանում, սակայն ցանկանում եմ ապացուցել, որ հնարավոր է ունենալ օրինակելի համայնք, որին մատնացույց կանեն շատերը, իսկ դա այնքան էլ բարդ գործ չէ, քանի որ օրենքի գերակայությունը այն իրական պայմանն է, որի միջոցով իրագործելի կդառնա այս գաղափարը: 

Սեպտեմբերմեկյան մտորումներ

    Շնորհավորում ենք բոլոր այն մանուկներին, ովքեր այսօր առաջին անգամ ոտք դրեցին դպրոց: Թող որ ուսումնառության այս տարիները հաջողակ ու բովանդակալից լինեն նրանց համար, և տոնական այս խանդավառությունը նրանց ուղեկցի կրթության բոլոր աստիճաններում:
 

Համայնքն` առանց աղբի

Գեղարքունիքի մարզի Լիճք գյուղի շուրջբոլորն աղբ է թափված: Թեև մենք դպրոցում կազմակերպում ենք շաբաթօրյակներ, որոնց ժամանակ հավաքում ենք մեր կրթօջախի շրջակայքի աղբը, բայց մաքրելուց մի շաբաթ անց տարածքը նորից պատվում է աղբով:

Ասֆալտապատում Լիճքում

Ասֆալտապատվում է Գեղարքունիքի մարզի Լիճք գյուղի գլխավոր ճանապարհը:

Նախապատրաստական աշխատանքները սկսվել էին դեռ հունիս ամսին, իսկ հուլիսի 5-ից սկսվեց ասֆալտապատման բուն գործընթացը:

Վերջին տարիներին Լիճք գյուղում նմանատիպ ակնառու փոփոխություններ չէին կատարվել և, կարելի է ասել, իրականանում է գյուղացիների բաղձալի երազանքներից մեկը:

Ուշքի եկեք. ընտրական առևտրի հետևանքներն առավել ծանր կզգան մեր զավակները

Լուսանկարը` Panorama.am-ի

Բոլորիդ հրավիրում եմ վաղն այցելել Գեղարքունիքի մարզի Ներքին Գետաշեն գյուղի մոտ` Մարտունի-Երևան ավտոմայրուղուն հարակից տարածքում, գործող կիրակնօրյա տոնավաճառ-շուկա` տեսնելու, թե ինչպես է ընտրակաշառք վերցրած մեր ժողովուրդը ծախսում այդ գումարները:

Իրենց քվեն ծախած մարդկանց ես խորհուրդ կտայի մեկական մրգատու ծառ գնել, որ ամեն անգամ կաշառքի բերքը ճաշակելիս հիշեին իրենց պատվի արժեքային «վեհ» արտահայտությունը...

«Մեր խոսքը գործ է»,- մարտունեցի ընտրողներին հավաստիացրեց Գագիկ Ծառուկյանը

Նախընտրական քարոզարշավի շրջանակներում այսօր` ապրլի 28-ին, Գեղարքունիքի մարզի Վարդենիս և Վարդենիկ համայնքների ընտրողների հետ հանդիպելուց հետո Գեղարքունիքի մարզպետ Նվեր Պողոսյանի և այլ կուսակիցների հետ Մարտունի էր ժամանել «Բարգավաճ Հայաստան» կուսակցության նախագահ Գագիկ Ծառուկյանը: Այստեղ ԲՀԿ առաջնորդին դիմավորեցին աղուհացով: Գ. Ծառուկյանը նախ ծաղկեպսակ դրեց Հայրենական մեծ պատերազմում զոհվածների հուշակոթողին, ապա Մյասնիկյանի անվան հրապարակում հավաքված մարտունեցիներին ներկայացրեց երկրի սոցիալ-տնտեսական իրավիճակի վերաբերյալ իր ու իր ղեկավարած կուսակցության դիրքորոշումն ու քաղաքացիների կյանքի բարելավման պատկերացումները:
Տեսանյութը` «Զանգակ» ՀԸ-ի

Դաշնակցության քարոզչական խումբը Մարտունու տարածաշրջանում էր

Մայիսի 6-ին կայանալիք խորհրդարանական ընտրությունների նախընտրական քարոզարշավի շրջանակներում ապրիլի 26-ին Մարտունու տարածաշրջան էին այցելել մի շարք դաշնակցական գործիչներ` ՀՅԴ բյուրոյի անդամ Լևոն Մկրտչյանի գլխավորությամբ: Քարոզչական խումբը նախ եղավ Երանոսում, որտեղ ներկայացվեց ինչպես կուսակցության, այնպես էլ թիվ 22 ընտրատարածքում մեծամասնական ընտրակարգով Դաշնակցության կողմից առաջադրված Արտաշես Նիկոյանի նախընտրական ծրագրերը:

«Յուրաքանչյուրի ձայնը որոշիչ է». Սերժ Սարգսյանը Մարտունիում էր

Մայիսի 6-ին կայանալիք Ազգային ժողովի ընտրությունների նախընտրական քարոզարշավի շրջանակներում այսօր` ապրիլի 25-ին, Գեղարքունիքի մարզ էր այցելել ՀՀ նախագահ, Հայաստանի հանրապետական կուսակցության նախագահ և պատգամավորության թեկնածու Սերժ Սարգսյանը:

Ճանաչո՛ւմ, հատուցո՛ւմ...

Ապրիլի 24-ն այն օրն է, երբ ամբողջ հայությունը միասնական է և իր բողոքի ձայնն է ուղղում ողջ աշխարհին` ընդդեմ մինչ օրս անպատիժ մնացած թուրքական ոճրագործության: 1890-ականներին, ապա` նաև 1915-1920-ականներին իրականացվեց հայաջինջ այն ծրագիրը, որի արդյունքում Հայաստանը դատարկվեց իր բնիկներից:

Եվ այդ սև բիծը ճեղքեց մեր պատմության ծաղկուն էջը, այնպիսի վերք հասցրեց հայ ժողովրդին, որ արդեն մի դար է` չի սպիանում:

Դպրոցական ծառատունկ Լիճքում

Ապրիլի 14-ին Գեղարքունիքի մարզի Լիճք գյուղի միջնակարգ դպրոցի աշակերտները և ուսուցիչները միասնական ուժերով մասնակցեցին սպասված շաբաթօրյակին: Դպրոցի շրջակայքի, հարակից այլ տարածքների մաքրման աշխատանքներից զատ նաև տնկվեց 110 ծառ` պտղատու և դեկորատիվ:

Որ Մարտունին քաղաքի նմանվի...

Մարտունին քաղաք է համարվում, բայց, կարծում եմ, որ դեռևս շատ զարգանալու կարիք ունի, որպեսզի իրապես նմանվի քաղաքի, քանզի այստեղ առկա են բազմաթիվ թերություններ, որոնք ժամանակի ընթացքում պետք է շտկվեն և իրենց ճիշտ լուծումը ստանան:

Վերը նշածիս վերաբերյալ կարելի է բերել բազմաթիվ օրինակներ` փողոցների և մայթերի վատթար վիճակը, լուսավորվածությունը (գիշերային լուսավորություն դեռևս միայն քաղաքի կենտրոնում կա ), աղտոտվածությունը, բարձրահարկ շենքերի, բակերի, քաղաքային զբոսայգու վիճակը և հասարակական զուգարանների բացակայությունը: 

Հրդեհ` Վաղաշենի գերեզմանատանը

Ապրիլի 9-ին` ժամը 13:30-ի սահմաններում, հրդեհ է բռնկվել Գեղարքունիքի մարզի Վաղաշեն գյուղի գերեզմանատան տարածքում` գերեզմանաքարերի հատվածին հարակից խոտածածկ մասում: Ահազանգն ստանալուն պես դեպքի վայր է ժամանել ԱԻՆ Փրկարարական ծառայության Մարտունու հրշեջ-փրկարարական ջոկատի մեկ հաշվարկ: Հրշեջներին 13:50-ի սահմաններում հաջողվել է մեկուսացնել կրակը, 14:30-ին էլ` ամբոջությամբ մարել: