Լիճքում կազմակերպվել էր համագյուղացի վաղամեռիկ բանաստեղծի հուշ–ցերեկույթը

Փետրվարի 18 - ին, Լիճքի Հովհ.Թումանյանի անվան միջնակարգ դպրոցում, գիրք նվիրելու տոնը համատեղվել էր Լիճք գյուղի բնակիչ Արամայիս (Վազգեն) Սարգսյանի հուշ–ցերեկույթով։

Հայոց մեծն բանաստեղծի ծննդյան օրը՝ իր  անունը կրող դպրոցում վաղամեռիկ պոետի՝ Արամայիս Սարգսյանի, անմեռ մուսայի հրաշագեղ, սիրառատ և հեզահունչ խոսքը հնչեց ...

Ինչ պայմաններում են սովորում Լիճքի հիմնական դպրոցի սաները

Այս պայմաններում են սովորում Լիճքի հիմնական դպրոցի`այն դպրոցի սաները, որը տվել է բազմաթիվ գիտնականներ, նշանավոր լիճքեցիներ և ոչ միայն։
Այս երեխաները փայփայում են իրենց հարազատ կրթoջախը` ի՞նչ ենք անում մենք,  անխտիր բոլորս, ցավալի է իրոք,անհեռատես վարվելակերպը հլու է կրթoջախ փակվելու վտանգներով։
Խոստումներ, խոստումներ,խոստումներ... միայն սա ու ոչինչ։

ԵՐԵՔ ՕՐ ՀԵՔԻԱԹԱՅԻՆ ԱՐՑԱԽՈՒՄ

Սեպտեմբերի 21-ից 23-ը Լիճքի Հովհաննես Թումանյանի անվան միջնակարգ դպրոցի Հայ Ասպետի թիմը, մանկավարժների հետ, այցելեց Արցախ աշխարհ:

Էքսկուրսիայի նպատակն էր` ճանաչել Արցախի տեսարժան վայրերը և ծանոթանալ Արցախի բնությանը: Շատ հագեցած էին այդ երեք օրերը: Առաջին օրը երեխաները այցելեցին Իստիսու, Դադիվանք, Մարտակերտ քաղաք, Մարտակերտի զորամասերից մեկը: Երկրորդ օրը եղան Մարտակերտի N 1 դպրոցում, Տնջրի ծառի մոտ, Ամարաս եկեղեցում, իսկ երեկոյան արդեն Շուշի քաղաքում էին: Երրորդ օրը այցելեցին պատմական Տիգրանակերտ քաղաքը, տեսան Հունոտի Կիրճի հրաշքները, Զոնտիկներ ջրվեժը, այնուհետև էքսկուրսիան շարունակվեց Ստեփանակերտ քաղաքում, Վանք գյուղում և Գանձասարում:

Ասենք ոչ ձանձրալի արձակուրդներին. Լիճք

Երեխաների օրը տոն դարձնելու համար շատ բան պետք չէ: Ուղղակի մի փոքր ուշադրություն և ինքնաարտահայտվելու հնարավորություն է անհրաժեշտ:

Լիճքեցի փոքրիկները ունեն այդ հնարավությունը և ցանկացած առիթ վերածում են տոնի, որպեսզի մի փոքր փոխեն իրենց ծնողների հոգսաշատ առօրյան:

Վարդենիկի, Մարտունու, Լիճքի և Կարմիրգյուղի երիտասարդները հանուն իրենց համայնքների զարգացման

«Գլխավոր ռեսուրսը աշխարհում մարդն է, բայց մարդը, որպես այդպիսին ռեսուրս է համարվում, երբ գիտելիք ունի։ Հիմնական պաշարը գիտելիքի՝ մարդ ստանում է գրքից», – այսպես նկարագրեց իր գաղափարը Մարտունի երիտասարդական բանկի կողմից իրականացվող «Երիտասարդների մասնակցությունը համայնքային զարգացմանը» ծրագրի դրամաշնորհառու Թագուհի Կարապետյանը, – «Գրքեր Մարտունու գրադարանին» ծրագրով ցանկանում եմ մի փոքր նպաստել այդ գործընթացին, զարգացած բնակիչը՝ հզոր համայնք է կառուցում»։

Աջակցություն Լիճքում հյուրընկալված արցախցի ընտանիքներին

Ինչպես ավելի վաղ հայտնել էինք Մարտունու տարածաշրջանի տարբեր գյուղերում հյուրընկալվել են ընտանիքներ, ովքեր ստիպված էին լքել իրենց տներ առաջնագծում ընթացող մարտերի պատճառով։

Այսօր այցելություն կատարեցինք Մարտակերտի շրջանից Լիճք գյուղում հյուրընկալված երկու ընտանիքի։ Գևորգյանների տան տանիքի տակ են հյուրընկալվել միանգամից 3 չարաճճի տղաներ իրենց մայրիկի հետ։ Գիորգին, Արմանը և Նարեկը, մեծը սովորում է 6–րդ դասարանում, միջնեկը՝ 5–րդ, իսկ փոքրը 2 տարեկան է։

Մեր գյուղը մեր տունն է, նրա մաքրությունը` մեր գործը

Սեպտեմբերի 15-ին Լիճքի միջնակարգ դպրոցի սաները, միանալով «Մենք կարող ենք» ( “Let’s DO It” Armenia) շարժման ծրագրի շրջանակներում իրականացվող «Հայաստանն առանց աղբի» նախաձեռնության սանիտարամաքրման աշխատանքներին, մաքրեցին Լիճքի միջնակարգ դպրոցի տարածքը, գյուղամիջյան ճանապարհի երկայնքը և գյուղի աղբյուրի շրջակայքը:

Նախընտրական քարոզարշա՞վ, թե՞ չհաջողված հեքիաթ

Դեռևս հուլիս ամսին Մարտունու «Գեղամա» հեռուստաալիքով 9-րոպեանոց հաղորդում ցուցադրվեց «Մի օր Լիճքում» խորագրով, որն արդեն իսկ նախընտրական քարոզարշավ էր և իր մեջ հեքիաթային էջեր էր պարունակում:
Այդ հաղորդման մեջ գործող գյուղապետի ներկայացրած կեղծիքին ժամանակին քանիցս անդրադարձել եմ` թե մեր համայնքում, թե սոցիալական կայքերում ծավալված քննարկումներում: Սակայն ստիպված եմ կրկին անդրադառնալ, քանի որ նույն հեքիաթը, զուգորդված նաև ոչ առողջ մրցակցությամբ, Գնել Գրիգորյանն էլի շարունակում է պատմել...

Պատռված պաստառներն` արդար մրցակցության իմ կոչին ի պատասխա՞ն...

Սիրելի լիճքեցիներ, ես նախընտրական քարոզչության ընթացքում դիմել եմ Ձեզ, ի տարբերություն ոմանց, ողջունել մրցակցիս`ոչ թշնամուս, ավագանու անդամության թեկնածուներին և սևը սպիտակի վրա ներկայացրել իմ պայքարի ձևաչափը:

Սակայն նախընտրական քարոզչապաստառները (տեղեկատու թերթիկների, նախընտրական ծրագրի,համագյուղացիներիս ուղղված կոչի, նկարների տեսքով) մի քանի անգամ պատռվել էին , անկասկած` մրցակից կողմի ձեռքով: Բազմիցս հետևել ենք, ճշտումներ կատարել և արդյունքում պարզվեց, որ չէինք սխալվում այս զազրելի արարքի հեղինակի հարցում…

Արդար, քաղաքակիրթ ընտրապայքարը` ազատ ընտրության երաշխիք ու առողջ հասարակության պահանջ

Սիրելի լիճքեցիներ, սկսվել է նախընտրական քարոզչությունը: Վստահեցնում եմ Ձեզ, որ պայքարի մեջ եմ մտել միայն արդար, ազատ ու քաղաքակիրթ մրցակցության ձևաչափով:

Ես կարիք չունեմ փնովելու մրցակցիս, քանի որ նման գործելաոճը իմ սկզբունքներին չի համապատասխանում, սակայն ցանկանում եմ ապացուցել, որ հնարավոր է ունենալ օրինակելի համայնք, որին մատնացույց կանեն շատերը, իսկ դա այնքան էլ բարդ գործ չէ, քանի որ օրենքի գերակայությունը այն իրական պայմանն է, որի միջոցով իրագործելի կդառնա այս գաղափարը: 

Համայնքն` առանց աղբի

Գեղարքունիքի մարզի Լիճք գյուղի շուրջբոլորն աղբ է թափված: Թեև մենք դպրոցում կազմակերպում ենք շաբաթօրյակներ, որոնց ժամանակ հավաքում ենք մեր կրթօջախի շրջակայքի աղբը, բայց մաքրելուց մի շաբաթ անց տարածքը նորից պատվում է աղբով:

Ասֆալտապատում Լիճքում

Ասֆալտապատվում է Գեղարքունիքի մարզի Լիճք գյուղի գլխավոր ճանապարհը:

Նախապատրաստական աշխատանքները սկսվել էին դեռ հունիս ամսին, իսկ հուլիսի 5-ից սկսվեց ասֆալտապատման բուն գործընթացը:

Վերջին տարիներին Լիճք գյուղում նմանատիպ ակնառու փոփոխություններ չէին կատարվել և, կարելի է ասել, իրականանում է գյուղացիների բաղձալի երազանքներից մեկը:

Ճանաչո՛ւմ, հատուցո՛ւմ...

Ապրիլի 24-ն այն օրն է, երբ ամբողջ հայությունը միասնական է և իր բողոքի ձայնն է ուղղում ողջ աշխարհին` ընդդեմ մինչ օրս անպատիժ մնացած թուրքական ոճրագործության: 1890-ականներին, ապա` նաև 1915-1920-ականներին իրականացվեց հայաջինջ այն ծրագիրը, որի արդյունքում Հայաստանը դատարկվեց իր բնիկներից:

Եվ այդ սև բիծը ճեղքեց մեր պատմության ծաղկուն էջը, այնպիսի վերք հասցրեց հայ ժողովրդին, որ արդեն մի դար է` չի սպիանում:

Հասել են ազգայինին` ամոթն էլ կամաչեր

Անցյալը եղել է, ոչ ոք այն չի ջնջի, և դա խորացնում է ապագան:
Դա խորացնում է կյանքի իմաստը:
                              Դ.Դեմիրճյան

 Ամեն տարի ապրիլի 23-ին ՀՅԴ երիտասարդական կազմակերպության և « Նիկոլ Աղբալյան» ուսանողական միության կողմից համազգային ջահերով երթ է կազմակերպվում,որին իրենց կամավոր մասնակցությունն են ցուցաբերում մեր երկրի երիտասարդ ու պատանի քաղաքացիները և ոչ միայն նրանք:

Ալադինի կախարդական լամպ կամ մեծամասնական ընտրակարգը` պատուհաս

Ինչպես գիտենք, ՀՅԴ, «Ժառանգություն» և ԲՀԿ խմբակցությունները նամակ էին հղել ՀՀ ԱԺ Նախագահին, որի հիման վրա էլ փետրվարի 28-ին խորհրդարանական լսումներ կազմակերպվեցին` կապված 100 տոկոս համամասնական ընտրակարգի անցնելու նախաձեռնության հետ: Ցավոք, այն արժանացավ խորհրդարանական իշխող մեծամասնության անհասկանալի հակազդեցությանը: Այն, որ համամասնական ընտրակարգը ժողովրդավարական պետության կառուցման լավագույն ճանապարհն է, ընդունում էին նաև ՀՀԿ-ական պատգամավորները` միաժամանակ տրամագծորեն հակառակ «հակափաստարկ-հիմնավորում» բերելով: Ըստ նրանց, այդ նախաձեռնությունը ժամանակավրեպ է, մեծամասնական ընտրակարգով խորհրդարան անցած պատգամավորներն ապահովում են տարածքների ընտրողների հետ կապը... Այս պատճառաբանությունն առավել քան ծիծաղելի է` հաշվի առնելով մեր իրականությունը...

«Գարնան զարթոնք» խորագրով միջոցառում Լիճքի միջնակարգ դպրոցում

                                                                 
Երա՜նի հզոր արև լինեի,

Բարի՜ մի արև, և ամեն մի օր
Սրբեի բոլոր խեղճ որդիների
Ու խեղճ մայրերի արցունքը պղտոր…

                        Հրաչյա Հովհաննիսյան

Լիճքի միջնակարգ դպրոցի աշակերտներն ազդարարեցին գարնան գալուստը:

Նախընտրական կաշառք` օրենսդրական նախաձեռնության տեսքով

Ազգային ժողովի մի շարք ՀՀԿ-ական պատգամավորների օրենսդրական նախաձեռնութամբ, փաստորեն, 1996-ից մինչեւ 2008-ի հունվարի 1-ն ընկած ժամանակահատվածում հողի հարկի ու գույքահարկի գծով կուտակված պարտքերը ամբողջությամբ զրոյացվում են:

Օրենսդրական նախաձեռնության համաձայն, այն մարդիկ, ովքեր կվճարեն 2008, 2009 եւ 2010 թվականներին կուտակված հողի հարկի ու գույքահարկի գծով պարտքերը, կազատվեն այդ պարտքերի չվճարման համար գոյացած տույժերի ու տուգանքների վճարումից:

Անլուծելի խնդիրներ` գյուղապետարանի ամենամյա հաշվետվությունից առաջ ու հետո

Այսօր ես կցանկանայի ևս մեկ անգամ խոսել Մարտունու տարածաշրջանում գտնվող մեր գյուղի մեծաթիվ հիմնախնդիրներից 3-ի մասին` հետահայաց ներկայացնելով նաև դրանց արծարծման վերջին փորձերը:

Համայնքի գլխավոր հատակագիծն արժե 9,6 միլիոն դրամ

Գեղարքունիքի մարզի Լիճք համայնքի ֆոնդային բյուջեն կազմում է շուրջ 17 մլն. ՀՀ դրամ: Համայնքում հողի սեփականության գրանցումներից հետո շուրջ 600 սեփականության վկայականների պակաս է արձանագրվել,այսինքն` շուրջ 600 հոգի զրկված է իր սեփականությունը տնօրինելու իրավունքից: Համայնքի ավագանին համապատասխան որոշմամբ խնդրի վերաբերյալ կադաստրի տարածքային ստորաբաժանումից պարզաբանում ստանալու պահանջ էր ներկայացրել գյուղապետարանի աշխատակազմին, սակայն մինչ օրս գրավոր պատասխան վերջինս չի տվել:

Որպես ավագանու անդամ` մի քանի անգամ դիմել եմ համայնքի ղեկավարությանն այս հարցին լուծում տալու խնդրանքով, կատարվել է համատեղ ուսումնասիրություն և պարզվել է, որ ժամանակին ստույգ և ճշգրիտ ներկայացվել է հողի սեփականության իրավունքը օրենքով սահմանված կարգով գրանցելու, հաստատելու համար անհրաժեշտ ու օրենքով պահանջվող բոլոր փաստաթղթերը, սակայն, թե ինչի հետ են կապված այս բացթողումները, անհնար է պատկերացնել...

Այնուամենայնիվ, սա նախաբանն է այն հիմնախնդրի,որ այս պահին ծառացել է համայնքի առջև:

Բաց նամակ ՀՀ կառավարությանը

Գեղարքունիքի մարզի Լիճք գյուղի «Կալեր» թաղամասը ձևավորվել է 1985 թվականին՝ զուրկ ամենատարրական կոմունիկացիաներից: Սակայն նորաստեղծ թաղամասի բնակիչներն իրենց ուժերով և իրենց իսկ ձեռքերով ջրագծեր անցկացրեցին, թաղամասը գազիֆիկացրեցին, փայտյա հենասյուներ տեղադրեցին ու էլեկտրական հոսանք ունեցան… Տարիների ընթացքում գազի խողովակաշարերն ու ջրագծերը կարգավորվեցին, բնակչությանն առանց վնաս տալու ծառայում են, ինչը չես կարող ասել էլցանցի մասին: Թաղամասը սպասարկող մեկ տրանսֆորմատորը (400 կվ) սպասարկում է և ազգաբնակչությանը, և արտադրական ձեռնարկությունների (Քար մշակող ձեռնարկություններ, մեծ խանութներ):