Վարդենիսում կամուրջ է փլուզվել, կան զոհեր

Գեղարքունիքի մարզի Վարդենիս քաղաքում այսօր կամուրջ է փլուզվել, առնվազն երկու մարդ զոհվել է, մի մարդ վնասվածքներով տեղափոխվել է հիվանդանոց։ Այս մասին տեղեկացնում է «Ազատություն» ռադիոկայանը` վկայակոչելով ՀՀ Արտակարգ իրավիճակների նախարարության հաղորդագրությունը: Այլ մանրամասներ` շուտով:

Խոշոր ավտովթար Մարտունիում

Այսօր` ժամը 18:20-ի սահմաններում, խոշոր ավտովթար է տեղի ունեցել Մարտունի քաղաքի Կամոյի փողոցի թիվ 36 շենքի մոտակայքում` Սելիմի մայրուղու սկզբնամասից քիչ հեռու, «Մուշ» սուպերմարկետի հարևանությամբ:

Տեսանյութը` «Գեղամա» ՀԸ-ի   

Գայլերն ընդդեմ գյուղացու

Այսօր Մարտունու տարածաշրջանի Լուսաձոր կոչվող ամառային բնակավայրում (Մարտունի քաղաքին պատկանող յայլատեղի, առավել հայտնի Գոմեր անվանմամբ) գրանցվեց գայլերի հարձակման հերթական դեպքը։ Վերջին 10 օրվա ընթացքում սա գիշատիչների արդեն 6-րդ հարձակումն էր։

Ավտովթար Մարտունիում

Երեկ երեկոյան` ժամը 21.00-ի սահմաններում, Մարտունի–Վարդենիս ճանապարհի առաջին կիլոմետրին իրար են բախվել «Աուդի» և երկու «ՎԱԶ 2106» մակնիշի ավտոմեքենաներ։

ՀՀ ոստիկանության հրապարակած տեղեկատվության համաձայն, պատահարի հետևանքով «Աուդի»-ի վարորդը, «ՎԱԶ-2106» մակնիշի մեքենաներից մեկի վարորդը և ուղևորուհին մարմնական վնասվածքներով տեղափոխվել են հիվանդանոց:
Կատարվում է քննություն:

Հրդեհ` Վաղաշենի գերեզմանատանը

Ապրիլի 9-ին` ժամը 13:30-ի սահմաններում, հրդեհ է բռնկվել Գեղարքունիքի մարզի Վաղաշեն գյուղի գերեզմանատան տարածքում` գերեզմանաքարերի հատվածին հարակից խոտածածկ մասում: Ահազանգն ստանալուն պես դեպքի վայր է ժամանել ԱԻՆ Փրկարարական ծառայության Մարտունու հրշեջ-փրկարարական ջոկատի մեկ հաշվարկ: Հրշեջներին 13:50-ի սահմաններում հաջողվել է մեկուսացնել կրակը, 14:30-ին էլ` ամբոջությամբ մարել:

Գազատարի փականի պայթյուն Մարտունիում

Այսօր` փետրվարի 21-ի լույս 22-ի գիշերը, ժամը 00:15-ին, Մարտունի - Ներքին Գետաշեն ավտոճանապարհի մաս կազմող կամրջի մոտակայքում տեղի է ունեցել մեծ քանակությամբ գազի արտահոսք:

Տեղի բնակիչների ահազանգի հիման վրա դեպքի վայր ժամանեց Մարտունու ԳԳՄ-ի վթարավերականգնողական ծառայությունը:

Մարդկանց պատմելով` պայթյունի ձայն են լսել: Ըստ ծառայության աշխատակիցների, պայթել է գազատար խողովակի սողնակային փականը:

Վթարի պատճառով գազազրկվել են Վերին Գետաշեն,Մադինա,Գեղհովիտ,Ներքին  Գետաշեն,                       Տեսանյութը` Մարտունու  «Զանգակ»  ՀԸ-ի                            Մարտունի համայնքները:                
                                        
Ծառայության աշխատակիցների ջանքերի շորհիվ ժամը 01:23-ին դադարեցվեց գազի արտահոսքը: Բարեբախտաբար, հնարավոր աղետը կանխվել է, զոհեր և վիրավորներ չկան:

Ձնաբուքը` երթևեկության խոչընդոտ

Ավելի քան մեկ շաբաթ է, ինչ Մարտունու տարածաշրջանում ցուրտ ու ձնառատ եղանակ է: Անցած գիշերվանից սկսված ուժգին ձնաբուքն էլ չի դադարում: Թեև ձյան մաքրման որոշ աշխատանքներ,մասնավորապես` Մարտունի քաղաքում, կատարվում էին, սակայն տարածաշրջանի գրեթե բոլոր ճանապարհները դժվարանցանելի էին տեղացող առատ ձյան ու բքի պատճառով:
Անանցանելի են Մադինա,Լեռնահովիտ գյուղերի ճանապարհներն ու Սելիմի լեռնանցքը: Որոշ վայրերում,որտեղ ճանապարհների մաքրման աշխատանքներ էին կատարվում, բուքը կրկին ձնածածկ էր անում:Տարեց մարտունեցիները տարվա այս ժամանակահատվածի համար սա սովորական երևույթ են համարում` առավել ձնառատ փետրվարներ հիշելով: 

Տեսանյութը` «Զանգակ» ՀԸ-ի 

Պայթյուն Մարտունի քաղաքում

Հունվարի 20-ին` ժամը 05:50 - ի սահմաններում,  Մարտունի քաղաքի Կամոյի փողոցում` նախկին ավտոհավաքակայանի պահակատանը, գազի արտահոսքի հետևանքով պայթյուն է տեղի ունեցել: Կան տուժածներ: Պայթյունի հետևանքով փլուզվել է պահակատան պանելային ծածկը:

Ահազանգն ստանալուն պես դեպքի վայր մեկնած փրկարարները պանելի փլատակից դուրս են բերել 1990թ.-ին ծնված Նուշիկ Խաչատրյանին: Պայթյունի հետևանքով տարբեր աստիճանի մարմնական վնասվածքներ են ստացել պահակատանը բնակվող ընտանիքի ևս 3 անդամներ`
1964թ.-ին ծնված Վանիկ, 1967թ.-ին ծնված Սոնա և 1995 թ.-ին ծնված Նարեկ Խաչատրյանները: Վերջիններս տեղափոխվել են Մարտունի քաղաքի բժշկական կենտրոն: