«Հիշողություններ առանց սահմանների» ֆիլմի ցուցադրություն–քննարկում

«Հիշողություններ առանց սահմանների» եզակի թուրք–­հայկական–­ադրբեջանական վավերագրական ֆիլմը ներկայացնում է, թե անհատների կյանքի վրա ինչպիսի ազդեցություն են ունենում իրենց երկրների միջեւ առկա տարաձայնությունները:

Հայ, թուրք եւ ադրբեջանցի կինոռեժիսորների համատեղ աշխատանքը սկսվում է Օսմանյան Թուրքիայում տեղի ունեցած զանգվածային կոտորածով եւ վերջանում Լեռնային Ղարաբաղի հակամարտության պատմությամբ:

Միջոցառում` նվիրված ՀՀ անկախության 21-րդ տարեդարձին

Այսօր` սեպտեմբերի 20-ին Լիճքի միջնակարգ դպրոցում տեղի ունեցավ միջոցառում, որը նվիրված էր Հայաստանի անկախության 21-րդ տարեդարձին:

Ընտրողներին հուշում էին

Այսօր մեր ընտրատեղամասում` թիվ 24/04 ընտրության գնալիս ականատես եղա հետևյալին.
Պատին փակցված ցուցակների մոտ կանգնած էին որոշ մարդիկ, ովքեր  «օգնում»  էին ընտրատեղամաս մտնող մարդկանց արագ գտնելու իրենց համարները: Բնականաբար, այդ մարդիկ որոշ կուսակցությունների և թեկանածուների ոչ պաշտոնապես վստահված անձինք էին,  ովքեր ցուցակներում  ընտրողների համարները գտնելուց հետո, հուշում էին նրանց, թե որ քվյաթերթիկում, որ երորդ համարին  «պտիչկա»  դնեն:
Բնականաբար նման երևույթի ականատես կարող ենք լինել, ոչ միայն մեր ընտատարածքում, այլ նաև ամբողղջ Հայաստանի տարածքում: Իսկ պաշտոնական այրերը խոսում էին ընտրակաշառքներ բաժանելը, ընտրախատումները, ընտրողի վրա ճնշումը բացառելու և այլնի մասին:
Արդյոք ընտրողին ուղորդելը արդեն ընտրախախտում չէ...

Եղիազար Դավթյան

Կարմիր գրիչավորները

Մարտունու տարածաշրջանի թիվ 24/04 ընտրական տեղամասում օրվա ընթացքում մի քանի անգամ ընտրողները կարմիր թանաք ունեցող գրիչներով են քվյաթերթիկներում նշումներ արել։
 Տվյալ տեղամասում "Մարտունու կանանց համայնքային խորհուրդ" ՀԿ-ի կողմից դիտորդական առաքելություն իրականացնող դիտորդը տեղեկացրել է, որ տեղմասում մի քանի անգամ ընտրողների են նկատել, ովքեր իրենց հետ կարմիր գրիչներ են տարել քվյախուց և նշումներ արել դրանցով: Այդ փաստ արձանագրել են դիտորդները, և որոշ վստահված անձանց և հանձնաժողովի անդամների զգոնության շնորհիվ կանխվել է հետագայում կարմիր գրիչներով քվյարկելը: Նույնիսկ հանձնաժողովի անդմները քվյախցիկներից գտել են կապույտ կաղապարով, բայց կարմիր թանաքով գրիչներչ:

Տեառնընդառաջը Մարտունիում

Փետրվարի 14-ին Հայ Առաքելական Եկեղեցին նշում է 40-օրական Հիսուսին Աստծո տաճարին ընծայաբերման տոնը` Տեառնընդառաջը:

Իր մեջ նաև ժողովրդական բնապաշտական ավանդույթի տարրեր է պարունակում տոնը` բուն եկեղեցական ծիսակարգին ու խորհրդանշմանը զուգադրելով Երկրի ընդերքի ջերմացման, նոր կյանքի սկզբնավորմանը պատրաստ լինելու հիշատակումը: Սա բնավ չի հակադրվում քրիստոնեական արարողակարգին, այլ ընդհակառակը` ժողովրդական գեղեցիկ սովորույթները տոնի գեղեցիկ բաղկացուցիչն են դարձել:

Մարտունու տարածաշրջանի եկեղեցիներում ևս Տեառնընդառաջի տոնակատարությունն սկսվեց դեռևս նախօրեին. քանի որ եկեղեցական օրացույցն սկսվում է երեկոյան ժամերգությունից հետո, ուստի փետրվարի 13-ի երեկոյան արդեն իսկ կատարվում է նախատոնակ: Իսկ տոնական ժամերգության ավարտին եկեղեցու աշտանակից վառված ջահով բոցավառվում է Տեառնընդառաջի խարույկը: Նման խարույկներ վառվում են թե եկեղեցիների բակերում, թե մարդկանց տների բակերում: Իսկ խարույկի վրայով առաջինը ցատկում են նորապսակները: Իսկ արդեն բուն տոնի օրը` փետրվարի 14-ին, Սբ. Պատարագի մատուցումից հետո կատարվում է նորապսակների և մանուկների օրհնության կարգ, քանի որ Ամենայն Հայոց Կաթողիկոսի օրհնությամբ Տեառնընդառաջը հռչակվել է նաև ընտանիքի տոն: Տոնի մասին մանրամասները տես նաև այստեղ:

Ձնաբուքը` երթևեկության խոչընդոտ

Ավելի քան մեկ շաբաթ է, ինչ Մարտունու տարածաշրջանում ցուրտ ու ձնառատ եղանակ է: Անցած գիշերվանից սկսված ուժգին ձնաբուքն էլ չի դադարում: Թեև ձյան մաքրման որոշ աշխատանքներ,մասնավորապես` Մարտունի քաղաքում, կատարվում էին, սակայն տարածաշրջանի գրեթե բոլոր ճանապարհները դժվարանցանելի էին տեղացող առատ ձյան ու բքի պատճառով:
Անանցանելի են Մադինա,Լեռնահովիտ գյուղերի ճանապարհներն ու Սելիմի լեռնանցքը: Որոշ վայրերում,որտեղ ճանապարհների մաքրման աշխատանքներ էին կատարվում, բուքը կրկին ձնածածկ էր անում:Տարեց մարտունեցիները տարվա այս ժամանակահատվածի համար սա սովորական երևույթ են համարում` առավել ձնառատ փետրվարներ հիշելով: 

Տեսանյութը` «Զանգակ» ՀԸ-ի 

Շարունակական երթ. «Մէկ» նախագիծը ներկայացվեց «Մարտունի Ինֆոտանը»

 «Երթը շարունակվում է...», «10 շրջան` մեկ երկիր». այս խորագրերն է կրում ի նշանավորումն իր հիմնադրման 20-ամյակի Նորարար Փորձառական Արվեստի Կենտրոնի (ՆՓԱԿ) Հայաստանի մարզերում կինոթատերական փորձի փոխանակմանը, դեպի մարզեր իր գործունեության ծավալմանը միտված «Մէկ» նախագիծը: Ծրագիրն իրականացվում է հանրապետությունով մեկ կազմակերպվող շրջագայությունների միջոցով: Այսօր` փետրվարի 3-ին, «Մէկ» նախագիծը հյուրընկալվել էր «Մարտունի Ինֆոտանը»:






Տեսանյութը`«Զանգակ» ՀԸ-ի

Տոնական զրույց բանակի հասակակցի հետ

Հայաստանի ազգային բանակը 20 տարեկան է: 1992 թվականին Պաշտպանության նախարարության ստեղծմամբ կամավորական ջոկատների հենքի վրա ծնվեց ՀՀ կանոնավոր բանակը: Պարտադրված պատերազամի պայմաններում ծնված հայկական հաղթանակած զինուժն այսօր մեր երկրի և ժողովրդի անվտանգության գլխավոր երաշխավորն է: Հայոց բանակի և արյամբ ու ինքնազոհողությամբ նրա կերտումն ապահոված մարտիկների մասին շատ է խոսվել և կխոսվի... Իսկ ինչպիսին է այսօրվա զինվորի պատկերացումը զինծառայության մասին...