«Մարդու իրավունքներ, խտրականություն և շահերի պաշտպանության» թեմաներով դասընթացի հայտարարություն

Հայաստանի Հելսինկյան կոմիտեն «Գիտելիքն ու իրազեկվածությունը համայնքների զարգացման խթան» ծրագրի շրջանակում Գեղարքունիքի մարզի ՀԿ-ների, լրագրողների, խոցելի խմբերի և քաղաքացիական հասարակության այլ ներկայացուցիչների կարողությունների զարգացման նպատակով կազմակերպում է եռօրյա դասընթաց` մարդու իրավունքներ, խտրականություն և շահերի պաշտպանություն թեմաներով:
Դասընթացը անց է կացվելու հուլիսի 26-28-ը՝ Աղվերանի «Արթուրս» հանգստյան տանը: Դասընթացն անվճար է: Կփոխհատուցվի մարզերից եկողների ճանապարհածախսը:

Դասընթացի մասնակցության համար դիմումներն ընդունվում են մինչեւ հուլիսի 18-ը:

Դասընթացի ավարտից հետո մեկամսյա ժամկետում մասնակիցներից յուրաքանչյուրը պետք է պատրաստի հոդված` իրենց համայնքներում առկա մարդու իրավունքների խախտումների կամ խտրականության դրսևորումների վերաբերյալ` Հայաստանի Հելսինկյան կոմիտեի կայքում (armhels.com) տեղադրելու համար:

Հետաքրքրված անձինք կարող են իրենց ինքնակենսագրությունը (CV) էլեկտրոնային նամակով ուղարկել Հայաստանի Հելսինկյան կոմիտեի հասարակայնության հետ կապերի մասնագետ Գոհար Ոսկանյանին և գործադիր տնօրեն Սիրվարդ Մամիկոնյանին հետևյալ հասցեներով` gohar@armhels.com, silva@armhels.com: Նամակի «Թեմա» դաշտում նշեք «Մարդու իրավունքներ, խտրականություն և շահերի պաշտպանություն թեմայով դասընթաց»:

Հարցերի դեպքում կարող եք զանգահարել 010 56 03 72 հեռախոսահամարով:

Նախապատվությունը տրվելու է այն քաղաքացիներին, որոնք չեն մասնակցել Հայաստանի Հելսինկյան կոմիտեի կողմից իրականացված նմանատիպ թեմայով դասընթացի:

Հայաստանի Հելսինկյան կոմիտե