Մայիսի 6–ին Մարտունու թիվ 4 մսուր–մանկապարտեզը դռները բացել էր զինվորականների առջև։
Մայիս իննյան տոնների նախօրյակին մանկապարտեզում տեղի ունեցավ բաց դաս, որի նպատակն էր երեխաների մոտ հայրենաճանաչության արմատավորումը։
Այս բաց դասը տարբերվում էր մանկապարտեզում եղած մյուս դասերից, քանի որ ծնողների փոխարեն հանդիսատեսի աթոռներին նստած էին զինվորականները:
Դասի ընթացքում երեխաները ցուցադրում էին Հայաստանի խորհրդանիշները և պատմում դրանց մասին: Խորհրդանիշներից բացի նրանք պատմում էին ազգային հերոսների մասին՝ ցուցադրելով նրանց նկարները: Արտասանում էին հայրենիքին նվիրված ստեղծագործություններ և երգում ոգեպնդող երգեր: Խիստ տպավորիչ էր Համո Սահյանի «Ախր ես ինչպես» բանաստեղծությունը երեխաների կատարմամբ, որը հուզեց հանդիսատեսին։
Բաց դասի ընթացքում մանուկներ նաև նկարչությամբ զբաղվեցին և փորձեցին թղթին փոխանցել իրենց պատկերացումները հայրենիքի վերաբերյալ։
Մանկապարտեզի տնօրեն Նաիրա Մարգարյանի խոսքով բաց դասը ծառայեց իր նպատակին․
«Երեխաների մոտ ընդգծվեց հայրենիքի սահմաները իսկ սրտերում՝ գոտեպնդվեց սերը առ հայենիք։ Զինվորականները մանկապարտեզից հեռանան ամենամաքուր հայրենասիրությունը տեսած»:
Հեղինակ՝ Սերգեյ Հայրապետյան
Комментариев нет:
Отправить комментарий