Սեպտեմբերի 25–ին Մարտունին նույնպես միացավ Եվրոպական ժառանգության օրեր ծրագրին։
Եվրոպական ժառանգության օրերն անց են կացվում ամեն տարի՝ Եվրոպական մշակութային կոնվեցիային միացած եվրոպական 50 երկրում՝ այդ թվում Հայաստանում։
«Ժառանգությունը և համայնքները» խորագիրը կրող միջոցառման շրջանակներում Մարտունու պատկերասրահում սեպտեմբերի 25–ին ցուցադրվեց հնագիտական–պատմագիտական արժեքներ ներկայացնող ցուցանմուշներ։
«Ցուցանմուշները պատկերասրահ են բերվել Վաղաշեն համայնքում գտնվող մշակութային արժեքների պահպանման կենտրոնից, – ասաց պատկերասրահի տնօրեն Անահիտ Գևորգյանը, – կենտրոն ասացի, բայց դա ընդհամենը տուն է, որի մի հատվածում ընտանիքի անդամները տարբեր ժամանակներում հավաքած, ձեռք բերված նմուշներն են պահպանում»։
Ահա այս կենտրոնից բերված կարասները, կավե չիներ, պղնձե կաթասները և սկուտեղները, խուրջինը, խնոցին, երկանքը, կեցաղային և գյուղատնտեսական այլ առարկաներ ներկայացվել են պատկերասրահի այցելուներին։
Այցելուների մեջ ստվար զանված էին կազմում աշակերտները, որոնց համար ոչ միայն անծանոթ էին անուններն, այլ նաև ցուցադրվող առարկաների գործածության նպատակները:
Մի քանի աշակերտ միջոցառումը գեղեցկացրեցին արտասանելով աշուղ Հայրիկ Ղազարյանի բանաստեղծություններից, որոնցում առավել քան ընդգծուն կերպով ներկայացվում է գյուղական նիստուկացը․
«Գնացել են ու մնացել որպես հուշ,Ոմանք քաղցր, իսկ ոմանք էլ՝ ծակող փուշ․․․»։
Այս տարի կազմակերպված միջոցառումը նվիրվում էր ՀՀ անկախության 25-ամյակին։
Комментариев нет:
Отправить комментарий