Արտագնա աշխատանքից տղամարդիկ վերադառնում են ոչ միայն գումարով, այլև բազմաթիվ սեռավարակներով

Գեղարքունիքի մարզը՝ մասնավորապես Մարտունու տարածաշրջանը, ժամանակավոր միգրացիայի բարձր ցուցանիշ ունի, որը հիմնականում պայմանավորված է տղամարդկանց սեզոնային աշխատանքով։ Սեզոնային աշխատանքը տևվում է 9-10 ամիս՝ մարտից–նոյեմբեր։

Մարտունու տարածաշրջանի աշխատունակ տղամարդկանց 50-ից 80 տոկոսը դուրս է գնում արտագնա աշխատանքի։ Արտագնա աշխատանքից տղամարդիկ վերադառնում են ոչ միայն գումարով, այլև բազմաթիվ սեռավարակներով։

Ըստ  տարբեր ուսումնասիրությունների նոյեմբերից փետրվար ամիսներին բժիշկի դիմած կանանց 60 տոկոսի մոտ առկա է սեռավարակներ։ Ճշնող մեծամասնության ամուսներն արտագնա աշխատանքի մեկնողներ են։

«Կանանց իրազեկվածությունը և ծառայությունների հասանելիությունը սեռավարակների վերաբերյալ» մոնիթորինգային ծրագրի շրջանակներում փորձել են պարզել՝ որքանով են Գեղարքունիքի մարզի Մարտունի և Ծակքար համայնքների միգրանտ ամուսին ունեցող կանայք իրազեկված սեռական առողջության իրավունքից և արդյոք հասանելի են իրենց սեռավարակների կանխարգելման և հաղթահարման ծառայությունները։

Մեծ թիվ են կազմում միգրանտ ամուսին ունեցող կանայք, որոնց ընտանիքներում հիմնականում արտագնա աշխատանքի մեկնում են իրենց ամուսինները 76.7 %-ի, բայց քիչ թիվ չի կազմում ընտանիքի այլ անդամների միգրացիան։

Հարցված կանանց ամուսնիներն  արտագնա աշխատանքի պատճառով  բացակայում են միջինում 4-8 ամիս։

Միգրանտները հիմնականում տուն վերադառնում են տարին մեկ անգամ, շուրջ 69.8 %։ Ինչպես նշեցին միգրանտ ամուսին ունեցող կանայք, դեպքեր են լինում նաև, երբ իրենք են տարվա ընթացքում մեկնում իրենց ամուսինների մոտ կամ ամռանը կարճ ժամանակով ամուսիններն են գալիս, որը կապված է տարածաշրջանի ավանդույթային առանձնահատկություններով՝ նշում են Վարդավառը։ Հարցման արդյուքներով 2.3 % 2 ամիսը մեկ անգամ են գալիս, հիմնականում այս պատասխանը տվել են երիտասարդ կանայք։ 4.7%–ի դեպքում ամուսինները վերադառնում են 2 տարին մեկ անգամ։

Ամուսնու վերադարձից հետո մինչև սեռական հարաբերություն ունենալը հարցվողների 76.7%-ը նշել է չի դիմում բուժ զննման՝ պատճառաբանությունները բազմազան էին՝ թե՛ գանգատներ չունենալը, թե՛ վստահելը, թե՛ ամոթը և այլն։

Սակայն հարցվողները նշում էին, որ չնայած նրան, որ նախքան սեռական հարաբերություն ունենալը չեն դիմում, բայց լինում են դեպքեր, որ ամուսնու վերադարձի հաջորդող օրերին դիմում են բուժ․զննման։ Միայն հարցվողների 2.4 %-ն է խոստովանել, որ դիմել են բուժզննման մինչև սեռական հարաբերություններ ունենալը։ 

Ուսումնասիրությունը ստորև՝ ինֆոգրաֆիկայով։

(Շարունակելի ․․․)

Հեղինակներ՝ Լիանա Հովհաննիսյան

                   Անուշ Սիմոնյան