Մամուլի ազատությունը երեխաների պատկերացմամբ

 Ի±նչ է մամուլը, ի±նչ է մամուլի ազատությունը.

 Այս հարցերին յուրովի պատասխան էին տվել երեխաները իրենց նկարներով: Թեմատիկ նկարների ցուցադրություն, ինչպես նաև մամուլի ազատությանն նվիրված միջոցառում էր կազմակերպվել  մայիսի 3-ին Մարտունու թիվ 3-րդ միջն. դպրոցում:




  Միջոցառումը կազմակերպել էր Մարտունու կանանց համայնքային խորհուրդ ՀԿ-ն, Եվրասիա համագործակցություն հիմնադրամի և Ինտերնյուսի կողմից ֆինանսավորվող "ԻՆՖՈ ՏՈՒՆ ՄԱՐՏՈՒՆԻ" ծրագրի շրջանակներում:
  Պատահական չէր որ միջոցառումը տեղի ունեցավ մայիսի 3-ին, քանի որ 1993 թվականից ի վեր մայիսի 3-ը ողջ աշխարհում նշում են որպես Մամուլի ազատության օր:
Միացյալ Ազգերի Կազմակերպությունը 1993 թվականի որոշմամբ մայիսի 3-ը հայտարարել է մամուլի ազատության համաշխարհային օր: Օրվա խորհուրդն է հիշեցնել հանրությանը և կառավարություններին ՄԱԿ-ի Մարդու իրավունքների հռչակագրի 19-րդ հոդվածը, որը սահմանում է խոսքի ազատությունն իբրև մարդուհ հիմնարար իրավունք:
1991 թվականի մայիսի 3-ին կնքվել էր Վինդհուքի /Վինդհուք, Նամիբիա/ հռչակագիրը, երբ UNESCO-ի և ՄԱԿ-ի համատեղ համաժողովին սահմանվել էին աֆրիկյանմամուլի ազատության և բազմակարծության սկզբունքները: