«Հրապարակ» և «Առավոտ» օրաթերթերը, անդրադարձան այս խնդրին , արդեն «Առավոտ» օրաթերթին տրված հարցազրույցում համայնքի ղեկավարը հավաստիացրեց,որ անտեղյակ է եղել նախագծից,ավագանին որոշում չի կայացրել,հանրային լսումներից տեղյակ չի եղել:
Առավոտ.am-ը զրուցեց Լիճք համայնքի ղեկավար Գնել Գրիգորյանի հետ: Պարոն Գրիգորյանը ևս ամբողջ պատմությանը տիրապետում էր, միայն ավելացրել իր դիտարկումները. «Ես արգելել եմ, որ այդ հատվածում «Տեխնոման» ընկերությանը որևէ բան անի: Ոչ ոք ինձանից թույլտվություն չի հարցրել, ես ավագանու որոշում չեմ տվել, հանրության հետ չեմ խոսել»:
«Ես որպես գյուղապետ պաշտպանում եմ իմ համայնքի շահերը, մտածում եմ իմ համայնքի մասին ու չկա որևէ մեկը, ով կասի, թե առավել է մտածում էս համայնքի մասին, - մեր հանդիպման ընթացքում հավաստիացնում էր Լիճք համայնքի ղեկավարը Գնել Գրիգորյանը, -եկել են, առանց տեղյակ պահելու, առանց թույլտվության, թույլ տվության դեպքում՝ պետք է հանրային լսումներ կազմակերպվեն, ավագանի կա և այլն: Նրանք փաստաթղթեր են բերել էներգետիկայի նախարարության կողմից տրված, որ իրենց թույլատրել են հորանից ջուրը տանել»: Գյուղապետն ասում է, որ ինքը համայնքի կողքին է և որևէ մեկին թույլ չի տա առանց համայնքի հետ հաշվի նստելու որևէ նախաձեռնություն սկսել գյուղում. «Կարճ ասած արգելել եմ»:
Օգոստոսի 12-ին պաշտոնական նամակով Գավառի բնապահպանական տեղեկատվական հասարակական «Օրհուս» կետնրոնին պատասխանել և երկրորդել է, արդեն իսկ պաշտոնապես իր կարծիքը: «Տեխնոման» ՍՊ ընկերության ներկայացուցիչները հանդիպեցին «Թույլ չենք տալու» նախաձեռնող խմբի անդամների հետ տրամադրելով գործին առնչվող մի շարք փաստաթղթեր: «Տեխնոման» ՍՊ ընկերության ներկայացուցիչները մի քանի անգամ պնդում էին, որ համայնքի համայնքապետարանը, համայնքի ղեկավարը որևիցե իրավական լծակ չունի չթողնելու իրենց կողմից իրականացված օրիանական գործունեությանը: Սակայն ՀՀ Տեղական ինքնակառավարման մարմինների մասին օրենքի Հոդված 45-ում հստակ ամրագրված են համայնքի ղեկավարի գործունեությունը բնության և շրջակա բնական միջավայրի պահպանության բնագավառում, այն է` համայնքի ղեկավարը բնության և շրջակա միջավայրի պահպանության բնագավառում իրականացնում է հետևյալ պարտադիր լիազորությունը. - կազմակերպում է համայնքի սեփականություն համարվող հողերի, անտառային և ջրային տարածքների, ինչպես նաև շրջակա միջավայրի պահպանությունը: Բնության և շրջակա միջավայրի պահպանության բնագավառում համայնքի ղեկավարն իրականացնում է պետության պատվիրակած հետևյալ լիազորությունները. վերահսկողություն է իրականացնում բնության պահպանության բնագավառում, կազմակերպում է ընդերքի, անտառային, ջրային և օդային տարածքների, ինչպես նաև բուսական ու կենդանական աշխարհի օգտագործման եւ պահպանման միջոցառումները:
«Տեխնոման» ՍՊ ընկերության ներկայացուցիչների տրամադրված փասթաթղթերում հանրային լսումների արձանագրություններ տրամադրվեցին,որոնցում գյուղապետարանի աշխատակիցների, համայնքի ղեկավարի և Շամս Հայրապետյանի ստորագրությամբ հանրային լսումների փասթաթուղթ էր ստորագրված: Սակայն համայնքի ղեկավարը «Ազատություն» ռադիոկայանին տրված հարցազրույցում կրկին պաշտոնապես պնդեց, որ հանրային լսումներ չեն եղել: Գյուղապետի խորհրդական Սմբատ Սմբտյանն էլ նախաձեռնող խմբին և «Տեխնոման» ՍՊ ընկերության ներկայացուցիչներին փաստեց,որ ինքը այդ քննարկմանը մասնակցել է, ասել է իր կարծիքը, որ Շամս Հայրապետյանը ներկա չի գտնվել հանդիպմանը: Ընկերության աշխատակիցները պնդում էին, որ անկախ հանրային լսումների թվից կողմ կամ դեմ լինելուց արդյունքը չէր փոխվելու: Եթե այդպես է, ապա ինչու է օրենքը նման ընթացակարգ մշակել, առավել ևս «Տեղեկատվության հասնելիության, շրջակա միջավայրին առնչվող որոշումների ընդունման հասարակության մասնակցության և արդարադատության մատչելիության մասին» (Օրհուսի-Դանիա) համաձայնագիր՝ ընդունված 1998թ.,ուժի մեջ է մտել 2001թ, ՀՀ Աժ -ն վավերացրել է 2001թ-ին... Համաձայնագիրը ամրագրել է երկու կարևոր դրույթներ՝ էկոլոգիական իրավունքը՝ որպես մարդու իրավունքների բաղկացուցիչ մաս և տեղեկատվության մատչելիության կարևորությունը, որը պայմանավորում է հասարակության մասնակցությունը որոշումների ընդունմանը և իրականացման գործընթացներին:
Երբ ուսումնասիրեցինք հանրային լսումների արձանագրությունը, մեկ փաստական հանգամանք ևս ապացուցեց,որ այդ լսումներն անհիմն են. Լևոն Աղաբեկյանի պաշտոնական փասթաթղթերի վրա դրված ստորագրությունները չի համապատասխանում լսումներում իր կողմից արված ստորագրությանը:
Համայնքի, ԶԼՄ-ների ճնշումներից ելնելով համայնքի ղեկավարը կանգնեց երկընտրանքի առաջ և ստիպված սկսեց խոսել համայնքի կողմից: Այսօր նա հասկացել է, որ կգա ժամանակը և համայնքը իրեն չի ների, որքան էլ ցանկանա պաշտպանվել նա գիտակցում է, որ հենց իր շրջապատից են սկսել իրեն փնովել: Մի բանից էլ է նա վախենում, Շամս Հայրապետյանի հետ համագործակցությունը ապացուցված փաստ է, սակայն նա լավ է հասկանում, որ կոնկրետ իր հարազատներից ու համագյուղացիներից շատերը դա նրան չեն ների ու նա կհայտնվի կոտրված տաշտակի առջև: «Տեխնոման» ՍՊ ընկերությունն էլ իր հերթին հասկանում է, որ համախոհների դաշտը նեղանում է և վերջիվերջո իրենք կորցնում են համայնքի ղեկավարին, հասկանում են, որ համայնքը, որքան էլ համայնքի ղեկավարը անցանկալի լինի իրեն համար, այս պարագայում չի թողնի մենակ: Իսկ նրա հետ հարցերը կլուծի պատմությունը և համայնքի իրական կարծիքը: Կողմերը խախտել են «Համաշխարհային բնական և մշակութային ժառանգության պահպանման մասին» համաձայնագիրը՝ ընդունված 1972թ-ին, որը վավերացվել է ՀՀ ԱԺ-ն 1994 թվականին: Համաձայնագրին անդամակցած պետությունները ստանձնել են հետևյալ պարտավորությունները՝ պահպանել և ապագա սերունդներին փոխանցել մշակութային ու բնական ժառանգությունը:
Միջազգային իրավունքի նորմը,այս դեպքում համաձայնագիրը, որը պարտադիր է ստորագրող կողմերի համար, ունի իրավունքի գերակայություն ներպետական օրենսդրության նկատմամաբ,եթե վավերացումից հետո ներպետական օրենսդրության մեջ կան հակասող դրույթներ միջազգային օրենսդրության նկատմամբ,ապա պետք է ներպետական օրենսդրության նորմերը համապատասխանեցնեն միջազգային իրավունքի նորմերին,հակառակ դեպքում գործում են միջազգային իրավական նորմի դրույթները:
Այտեղից հետևություն. հանրային լսումներ որպես այդպիսիք կամ չեն եղել, կամ համայնքի ղեկավարը չի կարողացել դիմանալ որոշ ճնշումների, կամ էլ չի տիրապետել ՀՀ օրենսդրությանը և իր պաշտոնական տեսակետներն ու պնդումները այս լսումների օրինականությունը տանում են իրավական այլ հարթություն, իսկ այդ հարաբերություններում պարզելու խնդիրներ կունենան «Տեխնոման» ՍՊ-ն և «հանրային լսումների» մասնակիցները: Երկու կողմերն էլ լավ հասկանում են, որ լուրջ սայթաքումներ ունեն իրավական պետության կերտման ճանապարհին և իրենք պահանջ ունեն իրենցն ապացուցելու, սակայն համայնքը իրավական պետության բաղկացուցիչ մաս է և այս վայրիվերումներն իրեն չեն հետաքրքրում: Իրավահարաբերության մասնակիցները արդեն հասկացել են, որ միմյանց խաբելով ընկել են անելանելի վիճակում և իրար մեջ պետք է պարզեն խոստումներից փախչելու մեղավորներին:
Հ.Գ. Իսկ ինչ է ներկայացնում «Լիճք» հանքային ջուրն իրենից.
«Լիճք» , ածխաթթվական, հիդրոկարբոնատ-քլորիդային, նատրիում-մագնեզիում-կալցիումական, ցածր ջերմաստիճանի հանքային ջուր` ՀՀ Գեղարքունիքի մարզի Լիճք գյուղի մոտ: Առաջանում է բազալտային անդեզիտներով ծածկված պլիոցենի լճագետային նստվածքներում, հարստանում է փոխակերպային ածխաթթվական գազով: Երկրի մակերևույթ է դուրս գալիս հորատանցքերով: Հանքայնացումը 5,1 գ/լ է, CO2-ի պարունակությունը` 1,5 գ/լ, շահագործման պաշարները` 2712 մ3/օր:
Պարունակում է նաև Fe, Mn, I, Br, F և այլ միկրոտարրեր:
Ջրաբուժ. Հատկություններով նման է «Եսենտուկի» N4 (ՌԴ), «Հանքավան» և «Սևան» հանքային ջրերին:
Օգտագործվում է ստամոքսաղիքային քրոնիկ., միզուղիների և այլ հիվանդությունների, նյութափոխանակության խանգարումների դեպքերում:
Նյութը` «Հայաստանի Բնաշխարհ» ընտանեկան հանրագիտարանից, էջ 80:
Բուժիչ հատկություններով այդ ջրից օգտվում են նաև Զոբ հիվանդությամբ տառապողները: Ուսումնասիրեք վիճակագրությունը և պարզ կդառնա, որ այդ հիվանդությունը գլուխ է բարձրացել հատկապես «Լիճք» հանքային ջրերի գործարանի փակվելուց հետո, իսկ թե ինչու չի գործարկվում այդ գործարանը, հետևությունը թողնում ենք ընթերցողին:
12 «աշխատատեղ» ստեղծելով հնարավոր է մշտապես փակվի այդ գործարանը, որը ժամանակին նաև Կրեմլից պատվերներ է ունեցել: Եվ որպես ապացույց 80-ական թվականներին Գորբաչով-Ռեյգան հանդիպման ժամանակ սեղանին դրված էր «Լիճք» հանքային ջրերի գործարանի արտադրանքը:
«Թույլ չենք տալու» նախաձեռնող խումբ
Комментариев нет:
Отправить комментарий