Դեկտեմբերի 11–ը Մարտունու ակտիվ երիտասարդների համար նշանավորվեց «Մարտունի
Երիտասարդական Բանկ» ծրագրի վերմեկնարկով։
Տարբեր համայնքներից շուրջ 20 երիտասարդ՝ 15-22 տարեկան այսօր «Մարտունու կանանց համայնքային խորհորրդ» ՀԿ–ի «Ինֆոտուն» սրահում մասնակցեցին Երիտասարդական բանկ ծրագրի մեկնարկային հանդիպմանը։
«Եվրասիա համագործակցություն հիմնադրամի» կողմից իրականացող ծրագրի համակորգող Գայանե Մկրտչյանը հանդիպման ժամանակ ներկայացրեց «Երիտասարդական Բանկ» ծրագիրը և նրանում երիտասարդների դերը:
«Երիտասարկական բանկը երիտասարդական–քաղաքացիական ակտիվության և առաջնորդության ծրագիր է, որի շրջանակներում տարբեր մարզերում ձևավորված և վերապատրաստված «երիտասարդական բանկ» կոչվող կոմիտեները փոքրամասշտաբ ծրագրեր են ֆինանսավորում իրենց հասակակից երիտասարդների համար, ինչպես նաև իրենք են իրականացնում կամավորական ծրագրեր՝ իրենց և ուրիշների կյանքում դրական փոփոխություններ ապահովելու համար»,– հանդիպման ժամանակ նշեց Մկրտչյանը։
Ծրագրի ներկայացմանը հաջորդեց անդամների հայտի լրացումը և նրանց հետ հարցազրույցների անցկացումը։
Հարցազրույցի արդյունքնում ընտրվեցին 8 հոգի, ովքեր աշխատելով իրական գումարների հետ, իրական փոփոխություններ պետք է բերեն իրենց համայնքներում։
«Հանդիպմանը մասնակից բոլոր երիտասարդներն էլ ունեն համապատասխան պոտենցիալը անդամագրվելու, ուղղակի որոշվեց երիտասարդների ընդհանուր կարողությունները բերել միջինի, նրանց մեջ կային ինչպես կայացած լիդերներ՝ համապատասխան գիտելիքներով, այնպես էլ դեռ տարիքային՝ բանկի շեմը չհասնողներ»,– իր խոսքում ասաց ընտրող կազմից Տիգրան Բաղիշջանյանը։
***
Ի՞նչ է Երիտասարդական Բանկը
Երիտասարդական բանկի միջոցով երիտասարդները ոչ միայն դրամաշնորհներ են տրամադրում, այլ նաև ձեռք են բերում այնպիսի հմտություններ, ինչպիսիք են կամավորությունը, առաջնորդությունը, որոշումների կայացումը, թիմային աշխատանքը և կարիքների գնահատումը, հաղորդակցվելու ունակությունները, հաշվետվությունների կազմելը և ներկայացնելը և այլն:Երիտասարդական բանկը Հայաստանում
Երիտասարդական բանկը Հայաստան եկավ 2007թ.-ին` իշնորհիվ Եվրասիա համագործակցություն հիմնադրամի և Հյուսիսային Իռլանդիայի համայնքային հիմնադրամի համագործակցության:
16 -ից 25 տարեկան 5-8 երիտասարդներից կազմված խմբերը, կամ ինչպես մենք ենք անվանում` “բանկերը”, անցնում են որոշակի փուլերով և ստանում ամենատարբեր գիտելիքներ, ինչի արդյունքում էլ տրամադրվում են դրամաշնորհները: Ընդամենը 300-500 ԱՄՆ դոլար աջակցությամբ լուծվում են այնպիսի համայնքային խնդիրներ, ինչպիսիք են աղբահանությունը, շրջակա միջավայրի մաքրությունը և պաշտպանությունը, երիտասարդների իրավունքները և այլընտրանքային կրթությունը, ձեռագործական/փայտամշակման հմտությունները և այլն:
Երիտասարդական բանկ ծրագիրը իրականացվում է աշխարհի 22 երկրներում` Մեծ Բրիտանիայում, Գերմանիայում, Պաղեստինում, Իռլանդիայում, Նոր Զելանդիայում, Ռումինիայում, Բոսնիայում, Սլովենիայում, Ադրբեջանում, Վրաստանում,
Թուրքիայում, Հայաստանում և այլ երկրներում:
Թուրքիայում, Հայաստանում և այլ երկրներում:
es vorpes qaxaqaci, uzum em texekutyunner stanal,te 300-500 dolar gumar stanalov,ays ashakertnern inch en arel axbahanutyan kam shrjaka mijavayri maqrman gorcum? Konkret paster kan,te sa el mi sut cragir e? Ovqer en stacel ayd grantnern u vortex en caxsel? 2007 tvakanic vorqan gumarner en stacel?
ОтветитьУдалитьՄարտունի Երիտասարդական Բանկը (ՄԵԲ) գործում է «Մարտունու կանանց համայնքային խորհուրդ» ՀԿ–ին կից 2007թ․–ից։ Ունի առանձին աշխատասենյակ և համապատասխան աշխատանքային կահույք։ ՄԵԲ–ի հիմնական կազմը 5-7 երիտասարդներ են, բայց ունենք նաև 10-15 կամավորներ, ովքեր աջակցում են մեզ մեր նախաձեռնություննեը և միջոցառումները իրականացնելու ժամանակ։
ОтветитьУдалитьԵրիտասարդական բանկը ստեղծվել է 2007 հուլիսին «Եվրասիա համագործակցություն հիմնադրամի» աջակցությամբ։ ԵԲ–ի հիմնական նպատակն է ապահովել երիտասարդների ակտիվ մասնակցությունը համայնքների զարգացման գործում։ Այդ նպատակով ամեն տարի մարզային ԵԲ–ները իրենց համայնքներում երիտասարդների շրջանում իրականացնում են կարիքի գնահատում, որի հիման վրա համայնքային երիտասարդական խմբերից ստանում են այդ խնդիրների լուծման համար միտված ծրագիր–առաջարկներ, որոնց մի մասը մրցույթային կարգով ընտրվում են և տրվում ֆինանսավորում ԵԲ–ի կողմից, մինչև 500 ԱՄՆ դոլլարի սահմաններում։
2008-2012թթ․ ՄԵԲ–ն իրականցրել է շուրջ 20 ծրագիր Գեղարքունիքի մարզում։ Ծրագրեր են իրականացվել Մարտունու տարածաշրջանում, Գավառում, Սևանում, Ճամբարակում, Վարդենիսում։
ОтветитьУдалитьԻրականցվել է բնապահպանական ակցիաներ և միջոցառումներ, կարիքավորներին օգնելու նպատակով սննդի հավաքման ակցի և այլն։
Իրականացված ծրագրերը տարբեր բնույթի են միտված երիտասարդների կարիքների լուծմանը, մշակույթային միջոցառումների, ժամանցի կազմակերպման, ակտիվացման, համայնքային կյանքում ներգրավման և այլն։
Իրականացված ծրագրերից են․
Վարդենիսի բանավանի այգու կանաչապատում
Նպատակը`երիտասարդության հանգստի կազմակերպում` զբոսայգու նորոգման ու կանաչապատման միջոցով:
Վարդավառի խնդումի ծես
Նպատակը`Ազգային ծիսական տոնակատարության կազմակերպում:
Մարտունու թիվ1 դպրոցի ՌԿ-ի համար երաժշտական գործիք
Նպատակը` երիտասարդության մշակութային կյանքի ակտիվացում `երաժշտական գործիքի ձեռք բերման միջոցով:
Ինտելեկտուալ մրցույթ-առաջնություն
Նպատակը`տարածաշրջանի ինտելեկտուալ կարողություններով օժտված երիտասարդության հայտնաբերում և հնարավորությունների դրսևորում:
Բժշկական քոլեջի այգու կանաչապատում
ОтветитьУдалитьՆպատակը`ուսանողների համար հանգստի գոտու ստեղծում` քոլեջին հարող տարածքի կանաչապատման ու վերանորոգման միջոցով :
ՈՒզում եմ տեսնել իմ ծննդավայրը գեղեցիկ
Նպատակը՝ Մարտունի քաղաքում կազմակերպված քանդակագործական սիպոզումի համար կառուցվել են անձրևապաշտման և արևապաշտպան տաղավարներ: ԵԲ գումարով ձեռք է բերվել տաղավարների կառուցման համար անհրաժեշտ երկաթյա խողովակներ և բռեզենդե ծածկոցներ: Տաղավարները կառուցվել են խմբի անդամների և նարանց աջակցող կամավորների ջանքերով: Ընդհանուր հաշվով կառուցվել է 5 տաղավար:
ԱՍՊ-հեծյալ տուրիզմի հնարավորություն
Նպատակը՝ Մարտունու տարածաշրջանում հեծյալ տուրիզմի զարգացնելու նպատակով հետիոտն և հեծյալ տուրերի կազմակերպմամբ զբաղվող խումբը ձեռք է բերել մեկ ցեղական էգ ձի, այնուհետ կսկսեն բազմացնել ու ըստ այդմ ձիերի գլխաքանակը ավելացնելով կունենան համապատասխան թվով վարժեցված ու տուրիստական գործի համար անհրաժեշտ կենդանիներ:
Մեր ավանդույթների նորօրյա արձագանքը
Նպատակը՝ Ծրագրի շրջանակներում տպագրվել է գրքեը: Գրքերը բովանդակում են տարածաշրջանում հայտնի լեգենդները, նկարազարդումները արել են Գեղարքունյանց թեմի կիրակնօրյա դպրոցի երիտասարդական կենտրոնի նկարաչության խմբակի սաները: Աառավել պատկերավոր կերպարներ ստանալու համար երեխաները մեկնել Հայրավանք և Նորատուս: Տպագրվել է 600 օրինակ:
Այգու բարեկարգում
ОтветитьУдалитьՆպատակը՝ Մարտունու զբոսայգում տեղադրվել են նստարաներ: Այգին միակն է Մարտունի քաղաքում, այնտեղ են իրենց ազատ ժամանցը անցկացնում մարտունեցիները և կա նստարանների խնդիր: Ծրագրի շրջանակներում վերանորոգվել են նաև հին նստարանները:
Երջանիկ մանկություն
Նպատակը՝ Լիճքի միջնակարգ դպրոցի բակում՝ նախադպրոցական կրթության համար հատկացված դասասենյակի հարևանությամբ կառուցվել է խաղահրապարակ` իրեն հնարավոր պարագաներով: Այսպիսով դպրոցի բակը իր բավականին ընդարձակ տարածքով, խնամված այգիով ու գեղեցիկ խաղահրապարակով դարձել է ավելի հարմարավետ, հատկապես նախադպրոցական հասակի երեխաների համար:
Մեղվաընտանիքներ Մարտունի գյուղի երեխաներին
Նպատակը՝ Ճամբարակի շրջանի Մարտունի գյուղի մի խումբ երիտասարդների և երեխաների համար գնվել է 2 մեղվաընտանիք, որոնք ամբողջ տարին խնամել են մեղվաընտանիքները, բազմացնում են դրանք և քամված մեղրի վաճառքից առաջացած գումարով երեխաների համար կազմակրպում են էքսուկրսիաներ, միջոցառումներ և այլն:
Բեմական զգեստ Սևանի մանկապատանեկան խմբակին
Նպատակը՝ Սևանի քաղաքի մանկապատանեկան խմբակի երեխաների համար ձեռք է բերվել բեմական հագուստ, որպիսի նրանք կարողանան ավել շատ բեմադրություններ ցուցադրել և հանդես գալ տարբեր մշակույթային միջոցառումների ժամանակ:
ОтветитьУдалитьՃանաչենք Եվրոպան 7 օրում
Նպատակը՝ 7 օրվա ընթացքում Ճամբարակի շրջանի Մարտունի գյուղի դպրոցի երեխաներին Եվրոպային ծանոթացնելն էր: Քանի որ դպրոցը մայրաքաղաքից բավականին հեռու է գտնվում, սա օգնեց երեխաներին, իրենց ավելի մոտ զգալ արտաքին աշխարհին: Նրանք սկսում են ճանաչել միմյանց, ազատ են դառնում շփման մեջ ու ամենակարևորը ծանոթացել են Եվրոպական մշակույթին:
Եվ այլ նմանատիպ ծրագրեր։
2012թ–ից ծրագիրը ժամանակավորապես չէր ֆինանսավորվում, իսկ այս տարվանից կրկին սկսել է գործել։ Այդ մասին կարող եք ծանոթանալ մեր վերջին հրապարակումներում։
սա էլ հենց ՄԵԲ–ի կողմից իրականացրած բարեգործական ակցիայի մասին։
https://www.youtube.com/watch?v=W30xHHg7tHM
եթե գրեք Ձեր էլ փոստը կարող ենք ուղարկել այդ ընթացում իրականացված յուրաքանչյու ծրագրի հաշվետվությունը՝ լուսանկարներ կցելով։
Շնորհակալ ենք ցուցաբերվող հետաքրքրության համար։
Հ․Գ․ Ներեցեք ուշ արձագանքելու համար, բլոգը անանուն, լատինատառ մենակաբանությունը, որպես սփամ էր ճանաչել և թաքրել։