Գաղտնիք չէ, որ Մարտունու տարածաշրջանից շատերն են դիմում արտագնա աշխատանքի՝ ապրուստի միջոց հայթայթելու համար։ Վարդենիկ համայնքի բնակիչների մի զգալի մասը սոցիալ–տնտեսական ծանր պայմաններից ոչ միայն գնաց ՌԴ–ում աշխատանք փնտրելու, այլ նաև մշատական բնակություն հաստատեց այնտեղ։ Եվ այժմ ՌԴ–ի տարբեր քաղաքներում՝ մասնավորապես Պերմում, Չելաբինսկում ու Տյումենում մենք ունենք հստակ ձևավորված և կուռ համայնք։ Կես կատակ, կես լուրջ ասում են՝ Պերմում այս տարի առաջին դասարանցի վարդենիկցիներն ավելի շատ են եղել, քան հենց Վարդենիկում, չնայած, որ մեր համայնքը խոշարագույններից է ՀՀ–ում։Եվ արտերկրում բնակվող երիտասարդ վարդենիկցներն իրենց հայրենի գյուղի հետ մշտական կապը պահում են, ոչ միայն հարզատ գյուղ այցերի միջոցով, այլև համայնքի շենացման, պահպանման գործում բեղուն ներդրում ունենալով։
Հունվարի 28–ի՝ Հայոց բանակի օրվան ընդառաջ, Պերմի վարդենիկցնիերը «Համայնքային Զարկերակ» երիտասարդական հասարակական կազմակերպության հետ միասին նախաձեռնեցին և կազմակերպեցին այց Եռաբլուր՝ զոհված ազատամարտիկներին հարգանքի տուրք մատուցելու։
Հայոց բանակի կազմավորման 24–րդ տարեդարձը «Համայնքի զարկերակները» հետաքրքիր ձևով նշեցին նաև հայրենի գյուղում՝ Վարդենրիկի գերեզմենատեղիում ձնմաքրման աշխատանքեր տանելով, որից հետո նույն խմբով՝ ազատամարտիկների հետ, միասին այցելեցին վարդենիկցի 16 անմահ ընկերների գերեզմաններին՝ հարգանքի տուրք մատուցելու։
Հեղինակ՝ Արտուշ Խաչատրյան
Комментариев нет:
Отправить комментарий