Արծվանիստցի մեր օրերի չեմպիոնը

Մեր օրերի չեմպիոն Արտյոմ Մանուկյանը բնակվում է Արծվանիստ գյուղում,  սովորում է տեղի դպրոցի 4 դասարանում։ Մայ Թայ սպորտաձևի պարապմունքները սկսել է Արծվանիստի միջն․ դպրոցում 2 տարի պարապելուց հետո շարունակել է Ծովինար գյուղում, քանի որ դպրոցի սպորտզալը վերանորոգման կարիք ունի։ 1-ին մրցմանը մասնակցել է Գեղհովիտում և տարիների ընթացքում մասնակցել է 6 մրցումների, որոնցից 5-ը գրավել է 1-ին տեղը, ստացել է մեդալներ, գավաթ, պատվոգրեր և կարմիր գոտի․ Վերջերս՝ մարտի 5-ին, մրցման է գնացել Վրաստան և գրավել առաջին տեղը։

Վրաստան գնալու համար օգնություն են խնդրել  գյուղապետից և գյուղապետարանը օգնել է 90․000 դրամով, սակայն այս ամսվա վերջին դարձյալ պիտի գնա Վրաստան,  բայց ընտանիքը չունի միջոցներ որպիսի ուղարկեն Վրաստան։ 

Խնդրում ենք հայ բարերարներին օգնեն 10-ամյա Արտյոմին, քանի որ ընտանիքը շատ վատ վիճակում է տանը կա 3 հաշմանդամ,  օգնեք շարունակի պարապմունքները և բարձր պահի գյուղի և Հայաստանի անունը։ 

Փաստի առթիվ հարցազրույց ունեցա գյուղի գյուղապետ Սամվել Օհանյանի հետ, նա նշեց, որ ավագանու նիստից հետո 90․000 դ․ տրամադրվել է ընտանիքին բայց 2-րդ անգամ գյուղապետարանը հնարավորություն չունի օգնելու։ Համայքապետը նշեց, որ դիմել են մարզպետարանին, որ գյուղում համապատասխան տեղ հատկացվի որպիսի գյուղի մի քանի երեխաներ չգնան հասնեն  Ծովինար։ 

Արտյոմին հովանավորելու կամ որոշակի գումարով օգնելու համար կարող եք զանգահարել  093 508 103 հեռ․համարին։

Հեղինակ՝ Կարեն Մարգարյան

«Մարտունի ինֆոտան» քաղաքացիական լրագրող