Մարտունի համայնքում կգործի հանրային տրանսպորտ

Մարտունի համայնքում կգործի հանրային տրանսպորտ

Դեկտեմբերի 14-ին, Մարտունի համայնքի ղեկավարի նախաձեռնությամբ, համայնքապետարանում կազմակերպվեց քննարկում՝ համայնքում հանրային տրանսպորտի հարցը լուծելու նպատակով։ Հանդիպմանը մասնակցում էին ավագանու անդամներ, համայնքապետարանի աշխատակիցներ, դպրոցների և մանկապարտեզների ներկայացուցիչներ, աշակերտներ, «ՄԿՀԽ» ՀԿ-ի աշխատակիցները և Մարտունու տարածաշրջանում միջհամայնքային ուղևորափոխադրումներով զբաղվող «Մարտունու ԲՈՒԱՏ» ԲԲԸ-ի ներկայացուցիչը։

Համայնքապետարանի կողմից նախապես քննարկվել էին հանրային տրանսպորտի հնարավոր երթուղիներն ու կանգառները։ Հանդիպման ժամանակ ծավալվեց քննարկում երթուղիների, կանգառների, ժամերի և որոշ այլ կազմակերպչական հարցերի վերաբերյալ։ Քննարկման վերջնական արդյունքում որոշվեց, որ 2019թ․–ի հունվարի 7-ից մեկ ամիս (փորձնական) Մարտունի համայնքում կգործի հանրային տրնասպորտ, որոշված երթուղու համաձայն։ Նախաձեռնությունը եթե լինի արդյունավետ և բնակչության կողմից  ունենա պահանջարկ, ապա կդառնա հիմնական։

• Մարտունի համայնքում հանրային տրանսպորտ չլինելը միշտ համարվել է համայնքի առաջնային խնդիրներից մեկը, քանի որ բնակիչներն աշխատանքի, դպրոց, մանկապարտեզ կամ հիվանդանոց գնալու համար քաղաքի մի ծայրից մյուսը պետք է ոտքով գնան (3-4 կմ)։ Խնդիրն ավելի է բարդանում հատկապես ձմռան ամիսներին։ Խնդիրը բազմիցս բարձրաձայնվել է Մարտունի Ինֆոտան կողմից՝ Մարտունի համայնքի ղեկավարի և ավագանու անդամների հետ պարբերաբար քննարկումներ  իրականացրելու միջոցով։ Խնդրի լուծման համար, տարբեր ժամանակներում համայնքապետարան են դիմել նաև Մարտունի համայնքի դպրոցների ուսուցիչներ և աշակերտներ, համայնքի տարբեր կառույցների ներկայացուցիչներ և բնակիչներ։ 

      Քննարկում՝ «Հանրային տրանսպորտ Մարտունի քաղաքին»