«Ժառանգությունը» եկել էր Մարտունի

«Գալիս ենք»,-ասացին ժառանգականներն ու այսօր` ապրիլի 22-ին նախընտրական քարոզարշավի շրջանակներում եկան Գեղարքունիքի մարզ: Իր ասելիքն ընտրողներին փոխանցելու համար այս քաղաքական ուժն ընտրել է բակային հանդիպումների միջոցով շրջիկ քարոզչության իրականացման ձևաչափը:

Գավառում ու Լիճքում «Ժառանգություն» և «Ազատ դեմոկրատներ» կուսակցությունների և քաղաքացիական հասարակության ներկայացուցիչների միասնական ծրագիրը ներկայացրած քարոզչական խումբը կեսօրին ժամանեց Մարտունի: Ճանապարհին էլ Րաֆֆի Հովհաննիսյանն ու իր թիմակիցները կանգ էին առել Մարտունի-Երևան մայրուղուն հարակից Ներքին Գետաշենի կիրակնօրյա տոնավաճառ-շուկայում: