Ձմեռային ցուրտ մթնշաղն արդեն իջել էր քաղաքի վրա, անցյալ դարից ժառանգություն հասած գորշ, ցածրահարկ տները մխրճվել էին իրար մեջ և շարվել Հրազդան անունը կրող փողոցի մի կողմում՝ դիմացը սփռելով տանիքներից բարձրացող ծխից մոխրացած ձյունով բաց դաշտը։ Դաշտից սուլող սառը քամին կարծես վաղուց պայմանագիր ուներ կտուրների հետ, որոնց տակ անտարբերորեն շարվել էին տները։
Հայցքս սահում է դարպասների վրայով․ «11» թիվն եմ փնտրում։
