Հարգելի պարոն Ռ. Գրիգորյան, ցանկանում եմ Ձեզ փոխանցել Մարտունի քաղաքի մի խումբ բնակիչների մտահոգությունը՝ վստահությամբ, որ Ձեր արձագանքը չի ուշանա:
Շուրջ մեկ շաբաթ առաջ մեր քաղաքի միակ զբոսայգում հայտնվեց մշակույթի պալատից քիչ ներքև գտնվող գրքերի վաճառքի կետ հանդիսացող խարխլված, հին երկաթյա վագոն-տնակը:
Մեզ չհաջողվեց պարզել, թե ինչ իրավական հիմքով է տնակը տեղափոխվել այդտեղ:
Իրենց քաղաքի տեսքով ու շրջակա միջավայրի պահպանությամբ մտահոգ մի խումբ մարտունեցիների դժգոհության ալիքից հետո տնակը հանվեց և անորոշ ժամկետով դրվեց նույն զբոսայգու մոտ՝ Ազգային Պատկերասրահի Մարտունու մասնաճյուղի դիմաց՝ բանուկ ճանապարհի մեջտեղում:
Խոսակցություններ կան, որ այն նորից զբոսայգի է տեղափոխվելու:
Ավելին, ասում են նաև, որ այս տնակը միակը չի լինելու, քաղաքի տարբեր սեփականաշնորհված հատվածներից այդ տարածքների սեփականատերերն էլի են նմանատիպ տնակներ հեռացնելու, որոնք ևս «հանգրվանելու են» զբոսայգում: Իսկ արդյունքում պարզ է, թե ինչ պատկեր կստանանք քաղաքի կենտրոնում…
Ակնկալում ենք Ձեր միջամտությունն՝ ի նպաստ համայնքի, հատկապես երեխաների շահերի պաշպանության:
Комментариев нет:
Отправить комментарий