«Մարտունի երիտասարդական բանկ» կոմիտեի անդմաների նախաձեռնությամբ ապրիլի 23–ին Մարտունի քաղաքում կազմակերպվեց ջահերով երթ՝ ի հիշատակ Հայոց ցեղասպանության անմեղ նահատակների։
Կոմիտեի անդամներից 6 լինելով նաև Մարտունու ավագ դպրոցի սան, միավորեցին իրենց գաղափարի շուրջ նաև աշակերտների կամավորական ջոկատները և աջակցություն ստացան դպրոցի տնօրինությունից և միհամուռ ուժերով պատրաստեցին ջահեր, մոմաններ և այլ անհրաժեշտ պարագաները
Երթը մեկնակեց ավագ դպրոցից և Երևանյան փողոցով թափորը Մյասնիկյան փողոցով հասավ Սբ․ Աստվածածին եկեղեցի՝ ճանապարհին իրենց շուրջը հավաքելով քաղաքի բնակչությանը:
Երթի ժամանակ երգվեցին մի շարք հայրենասիրական երգեր:
Երթը հասնելով Ցեղասպանության զոհերի հիշատակը հավերժացնող խաչքարին «Մարտունի երիտասարդական բանկի» անդամները և իրենց միացած աշակերտներ կարդացին հոդվածներ և հայրենասիրական ճառեր:
Երթն ավարտվեց եկեղեցում արված աղոթքով, որից հետո բոլորը հավաքվեցին մշակույթի տան բակում և սկսեցին պարել հայկական քոչարին ՝ ի նշան հայի անկոտրունության, համառության և միասնականության:
Այսքանով ավարտվեց ապրիլի 23-ը: Հաջորդ օրը՝ ապրիլի 24–ին, առավոտյան կրկին քաղաքի ողջ բնակչությունը հավաքվեց եկեղեցու բակում ՝ Հայոց ցեղասպանության անմեղ նահատակների հուշարձանի մոտ։ Եկեղեցում կատարվեց անմեղ զոհերի ոգեկոչման արարողություն։
Հեղինակ՝ Սերգեյ Հայրապետյան
Комментариев нет:
Отправить комментарий