Ինչպես բացման խոսքի ժամանակ ասաց Համայնքների ֆինանսիստների միավորման ղեկավար Վահան Մովսիսյանը կայք–պորտալի ստեղծման նպատակն է, որպեսզի ՏԻՄ–ի վերաբերյալ և ՏԻՄ–ին վերաբերվող բոլոր նորությունները բերվեն մեկ հարթակ։
«Հանրային մասնակցությունը պետք է իրականցնել նաև համապարփակ և մշտապես թարմացվող տեղեկատվություն տրամադրելով։ Պորտալը մեծ առցանց ռեսուրս է , որից պետք է օգտվել»,– ասաց Մովսիսյանը։
Կայքը կյանքի են կոչել Տեղեկատվական համակարգերի զարգացման և վերապատրաստման կենտրոնի կողմից, ովքեր տարիներ շարունակ մշակել են համայնքային կայքերի համակարգը։ Կենտրոնի աշխատակից Գրիշա Խաչատրյանը ներկաներին ցուցադրեց կայքի հնարավորությունները և գործիքները․
«Կայքի այցելուները հնարավորություն ունեն ծանոթանալ ոլորտին վերաբերվող նորություններին, հայտարարություններին, օրենսդրությանը և այլ նորմատիվ փաստաթղթերին»,– ասաց Խաչատրյանը, – «կայքը հնավարություն է ընձեռնում նաև անցկացնել առցանց հարցումներ, հարցեր ուղղել ոլորտի փորձագետներին և այլն»։
«Մարտունու կանանց համայնքային խորհուրդ» ՀԿ–ն հանդեսանում է ՀաՄաՏեղ ծրագրի ենթադրամաշնորհառու և իրականանցնում է «Մարտունի ՀաՄաՏեղ Ինֆոտուն» ծրագիրը, որի շրջանակներում աշխատում է Գեղարունիքի մարզի 5 շահառու համայնքներում՝ Գավառ, Նորատուս, Կարմիրգյուղ, Սարուխան և Վարդենիկ։ Ծրագրի նպատակն է ակտիվ խմբերի կարողությունները զարգացնել մեդիագրագիտության և քաղաքացիական լրագրության դասընթացներ կազմակերպելով, որով կնպաստեն ՏԻՄ կառավարման գործընթացներում բնակչության մասնկցային վարքի խթանմանը՝ թափանցիկության ապահովման, համայնքի թաքնված ռեսուրսների վերհանման և դրական նախադեպերի բարձրաձայնման միջոցավ։ Ակտիվ խմբերի անդամների կողմից պատրաստվող նյութերը հրապարակվում են «Մարտունի ինֆոտուն» բլոգում։
***
«Հանրային մասնակցություն տեղական ինքնակառավարմանը» ծրագիրն իրականացվում է Համայնքների ֆինանսիստների միավորման (ՀՖՄ) կողմից՝ Տեղեկատվական համակարգերի զարգացման և վերապատրաստման կենտրոնի (ՏՀԶԿԿ), Երևանի մամուլի ակումբի (ԵՄԱ), Ժուռնալիստների «Ասպարեզ» ակումբի, Եվրասիա համագործակցություն հիմնադրամի (ԵՀՀ) և Հետազոտական ռեսուրսների կովկասյան կենտրոնի (ՀՌԿԿ) հետ համատեղ, և ֆինանսավորվում է Միացյալ Նահանգների Միջազգային զարգացման գործակալության կողմից:
Комментариев нет:
Отправить комментарий