Սոցցանցերում մոլորվածները

myspace.com կայքն առաջիններից էր, որ նորաձև դարձրեց համացանցում սեփական էջ ունենալու գաղափարը: Այս հանգամանքը գայթակղեց հատկապես երիտասարդ, սկսնակ երգիչ-կատարողներին, որովհետև այնտեղ հնարավոր էր ձայնային ‎‎ ‎‎‎‎‎‎‎‎ֆայլեր տեղադրել: Դրա շնորհիվ սկսնակ խմբերն իրենց աստղ զգացին, կայքն էլ դարձավ հայտնի: Այս ցանցում կարելի է գտնել գրեթե բոլոր ստեղծագործողների էջերն ու երիտասարդ խմբեր: 

Իսկ ահա vkontakte. ru- ում կարող ես ամեն ինչ անել. ծանոթանալ մարդկանց հետ, երաժշտություն,ֆիլմեր ներբեռնել, նկարել և այլն: Այստեղ կհանդիպես համադասարանցիներիդ, կուրսեցիներիդ, հարևան բակի «անկապ» դեմքերին, մի խոսքով` նրանց, ում երբևէ հանդիպել ես: Այս ցանցը մեծամասամբ ռուսաստանյան կիրառում ունի: 

odnoklassniki.ru - ն էլ անսպասելի ներխուժեց մեր կյանք ու հնարավորությություն ընձեռեց շփվել կորած-մոլորած համադասարանցիների հետ: Համենայնդեպս, այսպիսին էր նրա նախնական «առաքելությունը»:

Սկզբում կայքը փոքր-ինչ վախեցնում էր   իր խիստ անձնական ու միաժամանակ հանրային բնույթով, բայց կարճ ժամանակ անց այն դարձավ հայկական ինտերնետ-ակումբներում ամենամեծ պահանջարկ ունեցողը:

Առաջին սիրո օբյեկտի հետ շփվելու գայթակղությունն էլ իր գործն արեց... Մի ծանոթ ունեմ որի «օդնոկլասսնիկային» շփումը հակառակ սեռի ներկայացուցչի հետ այնքան է

խորացել,որ շուտով կվերածվի ամուսնության (գուցե արդեն հաղորդագրությամբ այդպիսի առաջարկություն էլ է եղել )... 
    

Մնում է, որ փողոցում էլ, ծանոթ դեմք տեսնելիս,հարցնեն. «իմ էջում գոստի եղել ե՞ս»:   

livelternet.ru - կայքն էլ պատրաստված է նույն livejournet.com էջի սկզբունքով: Բոլոր ցանկացողները կարող են այստեղ օրագիր լրացնել, ավելացնել լուսանկարներ ու տեսանյութեր: Բայց մյուս սոցիալական ցանցերից տարբերություններ էլ կան. հետաքրքիր դիզայնն ու ձայնարկիչի գործառույթը: Որպես կանոն այս գրանցվում են նրանք, ովքեր դեռ չեն հասցրել ծանոթանալ livejournal.com կայքին կամ էլ ալարում են գրանցվել այնտեղ: Այցելուներից շատերը կամ` նրանց վեբ-պատկերները սև ու երկար մազափունջ ունեն, վարդագույն կետեր. դրանք էմոներ են: Էմոների օրագրերն էլ սև ու վարդագույն երանգներով են զարդարված, իսկ տեքստերը` խորհրդավորությամբ շղարշված: Վատ կողմերն,ըստ իս, երկուսն են. օրագրի ձևավորումը և գողացած գաղափարների առկայությունը: Բոլորը վաղուց արդեն գլխի են ընկել. դրա համար էլ կայքում մնացել են միայն լալկան էմոները:

 mail.ru - «Իմ աշխարհը» ամենաերիտասարդ հասարակական ինտերնետային կայքերից է: Իմաստն այն է, որ կայքից կարող են օգտվել միայն նրանք, ովքեր mail.ru-ւմ փոստ ունեն: Նամակներդ ստուգելու հետ մեկտեղ կարող ես նաև սոցցանցի էջդ ստուգել: Բացի այդ, այստեղ հեշտ է խմբավորումներ ստեղծել: mail.ru-ում կան միլոնավոր այցելուներ: Զուգահեռ գործում են նաև mail.ru - ի բլոգները: Առայժմ այսքանը... Իսկ ներկայումս առավել լայն հասարակական կիրառում կամ ավելի ճիշտ` հնչեղություն վայելող սոցիալական ցանցերի մասին,ինչպիսիք են Facebook-ն ու Googlе-ի տարատեսակ «ապրանքները», առաջիկայում, գուցե, Մարտունի Ինֆոտան մյուս հեղինակները կներկայացնեն...