Հայտարարություն․ «Մարդու իրավունքների հիմունքները: Զորակոչիկների և զինծառայողների իրավունքներն ու պարտականությունները, զորակոչիկների իրավունքների պաշտպանությանն առնչվող իրավական կարգավորումները» թեմայով դասընթաց

2015 թ. հոկտեմբերի 21–ին Հելսինկյան Քաղաքացիական Ասամբլեայի Վանաձորի գրասենյակը հրավիրում է զորակոչիկների, նրանց հարազատների, իրավաբանների և հետաքրքրված այլ անձանց մասնակցելու՝ «Մարդու իրավունքների հիմունքները: Զորակոչիկների և զինծառայողների իրավունքներն ու պարտականությունները, զորակոչիկների իրավունքների պաշտպանությանն առնչվող իրավական կարգավորումները» թեմայով դասընթացին:
Դասընթացի ընթացքում մասնակիցներին կներկայացվեն զորակոչիկների և զինծառայողների իրավունքներին ու պարտականություններին, զորակոչիկների իրավունքների պաշտպանությանն առնչվող իրավական կարգավորումները, մասնավորապես.
«Զինապարտության մասին» ՀՀ օրենքի դրույթներն առավել մատչելի ձևով, ինչպես նաև ՀՀ ՊՆ 410 Հրամանի դրույթները, որոնցով կարգավորում է զինծառայությանը պիտանիության հարցը: Անդրադարձ կարվի նաև զինծառայության ընթացքում զինծառայողների իրավունքների պաշտպանությանը և բողոքարկման մեխանիզմներին:
Անհրաժեշտության դեպքում ներկաներին դասընթացից հետո կտրամադրվի իրավական աջակցություն, անհրաժեշտության դեպքում, երբ զորակոչիկները, զինծառայողները կամ նրանց հարազատները համաձայն չեն բժշկական հանձնաժողովի կողմից բուժզննության արդյունքների հետ, կազմակերպության ներկայացուցիչները /անհրաժեշտության դեպքում բժիշկ-փորձագետը/ կուսումնասիրեն զորակոչիկների եւ զինծառայողների առողջական վիճակի հետազոտման ակտերը եւ այլ բժշկական փաստաթղթեր՝ համապատասխան եզրակացություն տրամադրելու համար:
Դասընթացը կվարեն՝ ՀՔԱ Վանաձորի գրասենյակի Խաղաղասիրական ծրագրերի համակարգող Արմինե Սադիկյանը և իրավական վերլուծությունների և նախաձեռնությունների համակարգող Անահիտ Չիլինգարյանը:

Դասընթացը ֆինանսավորվում է Բաց Հասարակության Հիմնադրամներ-Հայաստանի կողմից՝ «ՀՔԱ Վանաձորի գրասենյակի կայունությունը ՀՀ-ում ժողովրդավարության և մարդու իրավունքների մարտահրավերների լույսի ներքո» ծրագրի շրջանակներում:

Դասընթացը տեղի կունենա 2015 թ. հոկտեմբերի 21–ին, «Մարտունու կանանց համայնքային խորհուրդ» ՀԿ–ում։ Հասցե՝ ք․ Մարտունի , Կամոյի 17

Կանխավ շնորհակալ ենք դասընթացին, ինչպես նաև մարդու իրավունքների խախտման կանխարգելմանն ուղղված գործընթացին մասնակցելու համար:

Դասընթացին մասնակցել ցանկացողներին խնդրում ենք նախապես գրանցվել: Գրանցվելու համար կարող եք դիմել ՀՔԱ Վանաձորի գրասենյակ՝ Արմինե Սադիկյանին. Էլ-փոստ՝ asadikyan@hcav.am, հեռ. 0322 42268 կամ 094 042268::