Միջոցառման կազմակերպիչները՝ «Համահայկական բնապահպանական ճակատի» անդամները, նախաձեռնել էին համաՍևանյան աղբահավաքը՝ ցանկանալով մաքրել Սևանա լճի ափամերձ տարածքը աղբից։
Աղբահավաքի նախաձեռնությունը զուտ մեկանգամյա գործողություն չէ, նախ՝ բնապահպանական կրթության առիթ է բոլոր մասնակիցների համար, ովքեր տարածքի պոտենցիալ օգտվողներ են, երկրորդ՝ առիթ է մշակելու ափամերձ գոտու հետագա աղտոտման կանխման գործողությունները, վերջապես՝ հնարավորություն է լայնամասշտաբ բնապահպանական ներգրավվածության և Սևանա լճի հետ կապված այլ խնդիրների բացահայտման։ՀամաՍևանյան աղբահավաքին Մարտունի քաղաքում պատրաստակամությամբ միացել էր «Մարտունու կանանց համայնքային խորհուրդ» հասարակական կազմակերպությունը և Մարտունի երիտասարդական բանկ կոմիտեի անդամները։
Կոմիտեի անդամ, ընդհամենը 15 ամյա Ինգա Շահումյանը իր մասնակցությունն ակցիային բացատրեց նրանով, որ Մարտունու բնակչությունը չի հետաքրքրվում բնության պահպանությամբ և իրենք երիտասարդներով միացել են ակցիային օրինակ ծառայելու համար և վերջապես
- Ամռանը մենք մեր ժամանցը կազմակերպում ենք այստեղ և մաքրելով նպաստում ենք լավ հանգիստ ունենալուն, - ասաց Ինգան։
Մաքրման աշխատանքներին միացան նաև Մարտունու հրշեջ փրկարարական ջոկատի երեք աշխատակից, ջոկատի հրամանատար Արթուր Ալեքսանյանը խոսելով նախաձեռնության մասին, մասնավորապես ասաց․
- Ցանկացանք անմասն չմնալ այս կարևոր աշխատանքից, կամավորները, դեռահասները գերազանց աշխատանք տարան և ամենակարևորը ևս մեկ անգամ գիտակցեցին մաքուր բնություն ունենալու կարևորությունը։
Комментариев нет:
Отправить комментарий