Ովքեր են ցանկանում դառնալ Գեղարքունիքում խոշորացվող համայնքների ղեկավարներ

Նոյեմբերի 5–ին ՏԻՄ ընտրություններ են տեղի ունենալու մի շարք համայնքներում՝ միավորված բնակավայրերում համայնքի ղեկավար և ավագանի են ընտրելու։

Գեղարքունիքի մարզում համայնքների միավորման 2017 գործընթացի արդյուքնում կձևավորվեն 4 խոշորացված համայնքներ։

Կենտրոնական ընտրական հանձնաժողովի կայքում հրապարակված փաստաթղթի համաձայն Գեղարքունիքում 4 խոշորացված համայնքներում համայնքի ղեկավարի պաշտոնի համար առաջադրվել են 17 թեկնածու, որոնցից 2 հետ են վերձրել իրենց փաստաթղթերը։ 4–ը առաջադրվել են ՀՀԿ–ի կողմից, 1–ը ԲՀԿ–ի, իսկ մնացյալ 12 ինքնառաջադրված են։

Ճամբարակ միավորված համայնքի ղեկավարի համար առաջադրվել են 3 թեկնածու՝

• Վազգեն Արարտի Ադամյանը, անկուսակցական, Ջարդիչ տեղամասի պետ՝ «Գեգամես Պլյուս» ՓԲԸ–ում, Ինքնաառաջադրված
• Յուրիկ Արտավազդի Ավալյանը,  ՀՀԿ,  Ճամբարակի  համայնքի ղեկավար, առաջադրումը ՀՀԿ–ի
• Վիգեն Հովսեփի Սահակյանը, ՀՀԿ, Թթուջուր համայնքի ղեկվար (նախկին), Ինքնաառաջադրում 

Վարդենիս միավորված համայնքի ղեկավարի համար առաջադրվել են 5 թեկնածոի՝

• Վոլոդյա Ասատուրի Խլոյանը, ՀՀԿ, Վարդենիս համայնքի ղեկավար, առաջադրումը ՀՀԿ–ի
• Պարգև Գարսևանի Խչեյանը, անկուսակցական,  Ինքնաառաջադրում
• Արամ Ռոբերտի Հարությունյանը, ՀՀԿ,  ՍԱՏԳ–ի պետ  Գեղարքունիքի մարզպետարանում,  Ինքնաառաջադրում 
• Կարեն Վիկտորի Մկրտչյանը, ՀՀԿ,  «Լիկա– Ալեն» ՍՊԸ–ի հիմնադիր, Ինքնաառաջադրում 
• Սմբաթ  Էդիկի Սիմոյնաը, անկուսակցական, «Նար–Գրուպ» ՍՊԸ–ի տնօրեն, առաջադրումը ԲՀԿ–ի։ 

Գեղամասար միավորված համայնքի ղեկավարի համար առաջադրվել են 5 թեկնածու՝

• հարություն Ալբերտի Ազարյանը, ՀՀԿ, Փամբակ համայնքի ղեկավար (նախկին) Ինքնաառաջադրում 
• Հակոբ Վազգենի Ավետիսյանը, ՀՀԿ,  «Նար–ՄԻԼ» ՍՊԸ–ի տնօրեն, Ինքնաառաջադրում 
• Զոյա Ասլանի  Գևորգյանը, ՀՀԿ, Շատջրեք համյնքի ղեկավար (նախկին) առաջադրումը ՀՀԿ-ի։
• Անդրանիկ Մայիսի Հախումյան, անկուսակցական, Կութ համայնքի ղեկավար (նախկին) Հետ է վերցրել փաստաթղթերը, Ինքնաառաջադրում 
• ԱրայիկԱնդրանիկի Մաթյան, ՀՀԿ,   ՀԵՑ Էլ–ի տեսուչ, Ինքնաառաջադրում։ 

Շողակաթ միավորված համայնքի ղեկավարի համար առաջադրվել են 3 թեկնածու՝

• Աշոտ Արշակի Կիրակոսյանը, ՀՀԿ, Փականագործ Գազպրոմ–Արմենիայում, Հետ է վերցրել փաստաթղթերը, Ինքնաառաջադրում 
• Սուլիկո Շահենի Շուշանյանը, ՀՀԿ, Շորժա համայնքի ղեկավար, առաջադրումը ՀՀԿ–ի
• Վալենտին Աթաբեկի Պետրոսյանը,անկուսակցական, Դրախտիկ համայնքի ղեկավար (նախկին) Ինքնաառաջադրում։
  

Նոյեմբերի 5–ի ընտրություններին Գեղարքունիքի մարզում բացի խոշորացված համայնքներից համայնքի ղեկավարի ընտրություններ են տեղի ունենալու նաև երեք համայնքում՝ Գեղաքար, Ծովինար և Ձորագյուղ։

Հեղինակ՝ Անուշ Սիմոնյան